Anna Heiða Pálsdóttir
Anna Heiða Pálsdóttir er fædd árið 1956.
Hún er bókmenntafræðingur, þýðandi og doktor í barnabókmenntum. Hún lauk BA- og MA-prófi í ensku og doktorsprófi árið 2002 frá University College Worcester (Coventry University). Um tíma starfaði hún sem skrifstofustjóri hjá Alcoa og er löggildur skjalaþýðandi. Hún var aðjúnkt við mála- og menningardeild HÍ til 2021 og kenndi breskar bókmenntir og bandaríska sögu.
Anna Heiði kenndi ritlist árum saman, hún kenndi við Endurmenntun Háskóla Íslands. Þá hefur hún skrifað greinar um barnabókmenntir í blöð og tímarit, haldið fyrirlestra og setið í stjórn Félags áhugafólks um barnamenningu.
Anna Heiða hefur skrifað bækur innan fantasíugreinarinnar og hefur einnig þýdd bækur í þeirri grein.
Anna Heiða starfar nú sem sjálfstæður þýðandi, sinnir sjálfboðavinnu fyrir Krabbameinsfélagið og málar í frístundum.
Anna Heiða er gift Hilmari Ævari Hilmarssyni og eiga þau tvö börn.
Ritaskrá
- 2020 LOL: smásögur (ásamt fleirum)
- 2012 Mitt eigið Harmagedón
- 2003 Auga Óðins, sjö sögur úr norrænni goðafræði (ritstj.)
- 1997 Galdrastafir og græn augu
Verðlaun og viðurkenningar
- 2013 Barnabókaverðlaun skóla- og frístundaráðs Reykjavíkurborgar fyrir bókina Mitt eigið Harmagedón
Tilnefningar
- 2013 Til Fjöruverðlaunanna fyrir Mitt eigið Harmagedón
Þýðingar
Þýðingar Önnu Heiðu:
- 2008 Larry Ball: Myndlist í 30 ár. Listsköpun manns í tíma og rúmi
- 2003 Ann Brashares: Gallabuxnaklúbburinn
- 2002 Philip Pullman: Skuggasjónaukinn
- 2001 Philip Pullman: Lúmski hnífurinn
- 2000 Philip Pullman: Gyllti áttavitinn