Bjart framundan
Eftirfarandi ljóð er eftir Þóru Mörtu Stefánsdóttur, sem bjó að Undralandi í Reykjavík (1905-1981).
Þóra birti nokkur ljóð í tímaritinu Breiðfirðingi, skrifaði eina barnabók og tók saman ættifræðirit.
VORHLJÓMAR1.
Nú heilsar oss röddin himinskær,
í haganum lyng og víðir grær,
í hlíðinni stendur bóndabær
með burstum og hvítum þiljum.
Af heiðinni andar blíður blær,
og bunar í fjallagiljum.
En djúpt inn í landi dalur hlær,
þar dansar laxinn í hyljum.
2.
Sóngur ómar,
loftið ljómar,
yftist sól úr ægi blá.
Fagur morgunöðull roðar
reynilund og silungsá.
Hjer í blárra fjalla faðmi
finn jeg svölun æðstu þrá.
Glitrar dögg á grænum baðmi
— gullindaggar morgunbrá.
3.
Hýrt er í sveit,
hjarðir á beit.
Eygi jeg út til stranda.
Víðhvelfing há,
himinblá!
Lyft þú sál minni ljósvegu á!
Bjart er til beggja handa.
(Hlín, 1960)
Mynd: ísmús