Steinunn Inga Óttarsdóttir∙16. febrúar 2019
Lítið ástarljóð - Elísabet Geirmundsdóttir
Ég ætla að biðja vindinn að kveða
þítt við gluggann þinn.
Ég ætla að biðja frostið að vefa
rósavoð á rúðuna þína
svo kuldinn komist ekki inn.
Ég ætla að biðja mánann að strjúka
mildum geisla
mjúkt um þína kinn.
Ég ætla að biðja svefninn
að vefja um þig vökudrauminn minn.
(1949)
Elísabet fæddist 16. febrúar 1915 og var kunn sem Listakonan í fjörunni. Hún lést 44ra ára.