Yrsa Sigurðardóttir
(Vilborg) Yrsa Sigurðardóttir er fædd í Reykjavík 24. ágúst 1963.
Hún varð stúdent frá Menntaskólanum í Reykjavík 1983, lauk B.Sc.-prófi frá Háskóla Íslands í byggingarverkfræði 1988 og M.Sc.-prófi í sömu fræðum frá Concordia University í Montreal í Kanada 1997. Yrsa starfar bæði sem byggingarverkfræðingur og við ritstörf.
Yrsa sendi frá sér sína fyrstu barnabók, Þar lágu Danir í því, árið 1998. Árið 2000 hlaut hún Viðurkenningu Barnabókaráðs Íslands, Íslandsdeildar IBBY, fyrir bókina Við viljum jólin í júlí og 2003 hlaut hún Íslensku barnabókaverðlaunin fyrir söguna Biobörn. Fyrsta skáldsaga Yrsu fyrir fullorðna, glæpasagan Þriðja táknið, kom út hjá bókaútgáfunni Veröld 2005. Ári síðar kom svo út sagan Sér grefur gröf þar sem lögfræðingurinn Þóra fæst við dularfull sakamál og síðan hafa fleiri sögur um Þóru bæst í hópinn. Síðan þá hefur Yrsa sent frá sér glæpasögu á svo til hverju ári og skipað sér fremst í flokk íslenskra höfunda á því sviði.
Útgáfuréttur bóka Yrsu hefur verið seldur til fjölmargra landa og hafa þær komið út í þýðingum víða um heim.
Yrsa býr ásamt eiginmanni sínum á Seltjarnarnesi. Hún á tvö börn.
Ritaskrá
- 2022 Gættu þinna handa
- 2021 Lok, lok og læs
- 2020 Herra Bóbó, Amelía og ættbrókin
- 2020 Bráðin
- 2019 Þögn
- 2018 Brúðan
- 2017 Gatið
- 2016 Aflausn
- 2015 Sogið
- 2014 DNA
- 2013 Lygi
- 2012 Kuldi
- 2011 Brakið
- 2010 Ég man þig
- 2009 Horfðu á mig
- 2008 Auðnin
- 2007 Aska
- 2006 Sér grefur gröf
- 2005 Þriðja táknið
- 2003 Biobörn
- 2001 B 10
- 2000 Barnapíubófinn, Búkolla og bókarránið
- 1999 Við viljum jólin í júlí
- 1998 Þar lágu Danir í því
Verðlaun og viðurkenningar
(í vinnslu)
- 2021 Blóðdropinn fyrir Bráðina
- 2015 Blóðdropinn fyrir DNA
- 2011 Blóðdropinn fyrir Ég man þig
- 2003 Íslensku barnabókaverðlaunin fyrir Biobörn
- 2000 Viðurkenning Barnabókaráðs Íslands, Íslandsdeildar IBBY fyrir Við viljum jólin í júlí
Tilnefningar
- 2021 Til Blóðdropans fyrir Bráðina
- 2021 Til Barnabókaverðlauna Reykjavíkur fyrir Herra Bóbó, Amelía og ættbrókin
- 2020 Til Íslensku bókmenntaverðlaunanna fyrir Herra Bóbó, Amelía og ættbrókin
- 2017 Til Blóðdropans fyrir Aflausn
- 2011 Til Glerlykilsins, Norrænu glæpasagnaverðlaunin fyrir Ég man þig
Þýðingar
(í vinnslu)
- 2022 Nukke (Tuuva-Hietala Tuula þýddi á finnsku)
- 2022 Karpa na besílkíte (Elena Josheska þýddi á makedónsku)
- 2022 Stilte (Willemien Werkman þýddi á hollensku)
- 2022 Under sneen (Nanna Kalkar þýddi á dönsku)
- 2022 Byttedyr (Sunneva Elvarsdóttir þýddi á norsku)
- 2022 Diabelska lalka (Pawel Cichawa þýddi á pólsku)
.jpg)
.png)