Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Valgerður Þóroddsdóttir er fædd 31. mars 1989. Hún starfar sem ljóðskáld, rithöfundur, útgefandi og sjálfstæður blaðamaður og hefur skrifað greinar, pistla og viðtöl fyrir ýmis tímarit og dagblöð hérlendis og erlendis sem og fyrir útvarpsþætti á borð við Víðsjá, Orð um bækur og Skáldatíma.
 

Valgerður hefur áður gefið út eina sjálfstæða ljóðabók – Það sem áður var skógur – og eina samstarfsljóðabók – Þungir forsetar með Kára Tulinius. Hún er stofnandi og eigandi útgáfunnar Partusar en hefur einnig birt sín eigin ljóð víða í kvæðasöfnum og í tímaritum eins og Stínu, Tímariti Máls og menningar, The White Review, Poetry Wales, Gutter, Magma, SAND og fleirum. Safn af ljóðum Valgerðar á ensku hafa verið valin til útgáfu árið 2018 í kvæðasafninu New Poetries VII sem er gefið út á fjögurra ára fresti af breska forlaginu Carcanet Press í Bretlandi og er tileinkað nýjabruminu í nútímaljóðlist. Þýðingar Valgerðar af úrvalssafni af ljóðum Kristínar Ómarsdóttur koma einnig út 2018 í Bretlandi. 

 

Valgerður hefur unnið ýmiss verkefni þar sem hún stefnir saman ljóðlist og öðrum listgreinum. Fyrir vinnu sína á sviði útgáfu- og viðburðarstjórnun hefur hún hlotið styrki frá Reykjavík Bókmenntaborg UNESCO, Arts Council England og Miðstöð íslenskra bókmennta.

 

Valgerður hefur búið í Bandaríkjunum, Þýskalandi og á Íslandi en býr nú í Bretlandi ásamt eiginmanni sínum.

Valgerður Þóroddsdóttir

    • 2015 Það sem áður var skógur
    • 2012 Þungir forsetar (ásamt Kára Tulinius)