Sigurunn Klemensína var fædd á Kurfi undir Brekku á Skagaströnd hinn 22. ágúst 1917. Hún lést á Sólvangi í Hafnarfirði 18. desember 1998. Foreldrar hennar voru bæði hagmælt. Móðurættir Sigurunnar voru frá Vestfjörðum og Breiðafirði og föðurættir úr Húnavatnssýslum og Skagafirði.

 

Sigurunn bjó alla sína búskapartíð í Hafnarfirði. Fyrri maður Sigurunnar var Guðmundur Guðmundsson, smiður og sjómaður, og áttu þau  sex börn á tíu árum. Síðari maður Sigurunnar var Guðni Bjarnason frá Flatey á Breiðafirði, vélstjóri og síðar sundlaugarvörður. Þau giftust 1949 og bjuggu á Hverfisgötu 28 í Hafnarfirði.

 

Sigurunn var skáld gott og birtust eftir hana mörg ljóð og kvæði í bókum og tímaritum og hún sendi frá sér ljóðasafn þremur árum en hún lést. Auðunn Bragi Sveinsson ritaði aðfararorð og fjallaði um skáldskap hennar.

 

Sigurunn orti m.a. svo:

 

Ef allir unna frelsi og frið

að fögrum listum hyggja

menntun sönn og mannkostir

munu löndin byggja.

 

Og þetta fallega ljóð sömuleiðis:

 

Ó, elsku mamma, höndin þín,

hve hlý hún var og góð.

Þá hélstu litla lófa í

og laukst upp hjartans sjóð.

Glæddir okkar gleði leik,

gældir lokka við.

Við áttum marga yndisstund

svo oft við þína hlið.

Nú hefur Kristur kallað á þig

að koma heim til sín.

Hans ljúfa náð og líknarmund

læknar meinin þín.

Á kveðju stund við krjúpum hljóð

við krossinn helga hans

og biðjum hann að bera þig

til hins bjarta vonar lands.

 

 

 

Sigurunn Konráðsdóttir

    • 1995 Úr sjóði minninganna (ljóð)

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband