Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Sigrún Björnsdóttir fæddist á Seyðisfirði 19. september 1956. Hún lauk stúdentsprófi frá Menntaskólanum í Reykjavík 1977 og útskrifaðist með meistarapróf í samfélags- og fjölmiðlafræðum frá Háskólanum í Hróarskeldu 1987. Þá hefur hún lokið meistaraprófi í  upplýsingatækni og netmiðlun. Sigrún stundar nú nám í ritlist við HÍ.

 

Sigrún vann sem fréttamaður á Ríkisútvarpinu frá árinu 1987-1999 og gerði jafnframt fléttuþætti og fréttaskýringar. Hún hefur starfað sem háskólakennari, sérfræðingur og upplýsingafulltrúi, m.a. hjá Íslenskri erfðagreiningu, á Norðurlandaskrifstofu og hjá Reykjavíkurborg. Þá hefur hún unnið sem fréttaritari fyrir norrænu fréttastofuna Ritzau, sem  þýðandi og greinahöfundur. 

 

Sigrún hefur skrifað ljóð frá unga aldri og birtust þau fyrstu á níunda áratug síðustu aldar, m.a.
í tímaritinu Teningi og blaðinu Pavillionen sem gefið var út í Kaupmannahöfn. Hún hefur gefið út þrjár ljóðabækur og þá hafa birst eftir hana ljóð á ljod.is, á ljóðavef Jónasar Hallgrímssonar og í ljóðasöfnum og tímaritum, m.a. í Perlum úr ljóðum íslenskra kvenna sem Forlagið gaf út.

 

Sigrún er gift Garðari Garðarssyni og eiga þau tvær dætur; Eddu Ýri f. 1976 og Sögu f. 1987 og fimm barnabörn.

Sigrún Björnsdóttir

  • 2014    Höfuðbending

    2008    Blóðeyjar

    2002    Næturfæðing