Skáld.is

Salka Guðmundsdóttir

Salka Guðmundsdóttir er fædd í Reykjavík árið 1981 og ólst þar upp.

Salka stundaði nám í leikritun við háskólann í Wales og lauk þaðan BA-námi. Þá lauk hún gráðunni M.Litt. í ritlist frá háskólanum í Glasgow og síðan lagði hún stund á þýðingafræði við Háskóla Íslands og lauk þaðan meistaraprófi árið 2011.

Árið 2009 stofnaði Salka leikhópinn Soðið svið ásamt Aðalbjörgu Árnadóttur. Leikhópurinn setti upp leikrit Sölku Súldarsker árið 2011 og hlaut hún tilnefningu til Grímuverðlauna sem besta leikskáldið sama ár.

2013 stóð leikhópurinn að sinni fyrstu uppfærslu utan landsteinanna, verðlaunasýningunni Breaker sem fór á Adelaide Fringe hátíðina og var í kjölfarið sýnd á Edinburgh Fringe.

Leikrit Sölku Extravaganza var sýnt á Litla sviði Borgarleikhússsins 2016 en veturinn 2016-17 var hún leikskáld Borgarleikhússins.

Auk leikritaskrifa er Salka afkastamikill þýðandi og hefur hún meðal annars þýtt eitt af stórvirkjum Jane Austen, Emmu (2012) .

Salka skrifar bæði á íslensku og ensku og hefur hlotið verðlaun og viðurkenningar fyrir verk sín á báðum tungumálum.

Salka býr í Reykjavík með tveimur sonum sínum og fæst við skrif og þýðingar.

Ritaskrá

2018 Skúmaskot
2017 Gilitrutt: barnaópera
2017 Eftir ljós
2016 Extravaganza
2016 Old Bessastaðir
2016 Ljósberarnir
2013 Manstu
2013 Svona er það þá að vera þögnin í kórnum
2013 Breaker
2013 Hættuför í Huliðsdal (leikrit)
2012 And the Children Did Not Look Back
2011 Súldarsker (leikrit)

Verðlaun og viðurkenningar

(í vinnslu)

2016 Barnabókaverðlaun Reykjavíkurborgar fyrir þýðingu á bókunum Skuggahlið og Villta hliðin eftir Sally Green
2015 Úthlutun úr launasjóði sviðslistafólks
2013 Underbelly Edinburgh Award á Adelaide Fringe
2010 Susan Sontag Prize for Translation (honorary mention)
2007 Gaddakylfan fyrir smásöguna Við strákarnir
2005 The Gwilym and Dilys Edmund Award for Excellent Academic Achievements

Tilnefningar

2023 Til Grímunnar: Leikrit ársins fyrir Á eigin vegum (ásamt Maríönnu Clöru Lúthersdóttur)
2017 Til Grímunnar: Útvarpsleikrit ársins fyrir Eftir ljós
2016 Til Grímunnar: Besta leikskáldið fyrir Old Bessastaðir
2014 Til Grímunnar: Barnasýning ársins fyrir Hættuför í Huliðsdal
2011 Til Grímunnar: Besta leikskáldið fyrir Súldarsker

Þýðingar