Ragnheiður Lárusdóttir

Ragnheiður Lárusdóttir er fædd I Reykjavík árið 1961. Sem barn bjó hún með fjölskyldu sinni í Önundarfirði þar sem faðir hennar var prestur og móðirin hjúkrunarfræðingur á heilsugæslunni á Flateyri. Hún hefur búið í Reykjavík öll fullorðinsárin utan tveggja ára í Kaupmannahöfn.

 

Ragnheiður hefur skrifað ljóð frá því að hún lærði að skrifa. Skúffurnar eru fullar af handritum sem höfundur hefur ekki leyft að líta dagsins ljós. Hún hefur stundum birt ljóð í blöðum og tímaritum, svo sem Lesbók Morgunblaðsins og hjá Lestrarklefanum að ógleymdri Facebook.  Ragnheiður er íslenskufræðingur, söngkennari og með masterspróf í listkennslufræði, er menntaskólakennari að atvinnu og hefur kennt íslensku, tjáningu og menningarlæsi í yfir 20 ár. Auk þess að vera kennari, söngkona og skáld er hún svo heppin að vera mamma þriggja fullorðinna barna.

 

Ragnheiður hlaut bókmenntaverðlaun Tómasar Guðmundssonar 2020 fyrir ljóðabókina 1900 og eitthvað.

Ragnheiður Lárusdóttir

    • 2020 1900 og eitthvað
    • 2020 Bókmenntaverðlaun Tómasar Guðmundssonar

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband