Oddný Guðmundsdóttir

Oddný Guðmundsdóttir fæddist árið 1908 á Hóli á Langanesi. Hún lauk gagnfræðaprófi á Akureyri árið 1929 og stundaði síðan nám og störf á bæði Norðurlöndunum og í Sviss. Frá árinu 1940 var Oddný farkennari í um þrjátíu ár víða um land en lengst á Vestfjarðakjálkanum. Oddný fór allra sinna ferða á hjóli og þótti henni það lítið mál að hjóla frá Langanesinu til Reykjavíkur. 

 

Oddný skrifaði talsvert; skáldsögur, smásögur og greinar auk þess sem hún vann að þýðingum. Þá voru einnig leikrit eftir hana flutt í útvarpi. Hluta úr grein Oddnýjar sem birtist í bókinni Konur skrifa og kom út 1980 má lesa á vefsíðunni Strandir.is: Úr dagbók farkennara. Oddný lést á Raufarhöfn árið 1985.

 

Myndin er sótt á vefsíðuna Utile et dulci.

 

Meistaraprófsritgerð Steinunnar Ingu Óttarsdóttur um Oddnýju, „Aldrei skal ég þagna á því meðan ég tóri“ má lesa í Skemmunni. Auk þessi gerði Steinunn útvarpsþátt um Oddnýju, Ein gegn öllum sem fluttur var á rás eitt um hvítasunnuna 2019 og endurfluttur 19. október.

 

 

Oddný Guðmundsdóttir

    • 1983 Íslenzk aulafyndni
    • 1983 Orðaleppar og aðrar ljótar syrpur
    • 1982 Haustnætur í Berjadal
    • 1981 Kvæði og kviðlingar
    • 1979 Síðasta baðstofan
    • 1967 Skuld
    • 1954 Á því herrans ári
    • 1949 Tveir júnídagar
    • 1946 Veltiár
    • 1943 Svo skal böl bæta