Nína Björk Árnadóttir

Nína Björk Árnadóttir (7. júní 1941 – 16. apríl 2000) var rithöfundur, ljóð- og leikskáld.

Nína Björk var fædd á Þóreyjarnúpi í Línakradal í Vestur-Húnavatnssýslu. Foreldrar hennar voru Árni Sigurjónsson, systursonur Stefáns frá Hvítadal, og kona hans Lára Hólmfreðsdóttir, en Nína Björk var fóstruð frá þrettán mánaða aldri af hjónum Ragnheiði Ólafsdóttur og Gísla Sæmundssyni, sem bjuggu á Garðsstöðum við Ögur í Ísafjarðardjúpi til 1946 og síðan í Reykjavík. Nína Björk stundaði gagnfræðanám á Núpi í Dýrafirði og síðan leiklistarnám í Leiklistarskóla Leikfélags Reykjavíkur.

Árið 1965 kom út fyrsta ljóðabók Nínu Bjarkar, Ung ljóð, sem vakti mikla athygli og var fljótlega þýdd á dönsku. Síðan komu frá henni níu ljóðabækur, tvær skáldsögur (Móðir, kona, meyja og Þriðja ástin) og nokkur leikrit. Þeirra þekktust eru líklega Súkkulaði handa Silju og Fugl sem flaug á snúru. Einnig skrifaði hún ævisögu myndlistarmannsins Alfreðs Flóka. Leikrit hennar voru sett upp í Þjóðleikhúsinu, Leikfélagi Reykjavíkur, Leikfélagi Akureyrar og víðar, auk þess sem þau voru flutt í útvarpi, bæði á Íslandi og erlendis.

Nína Björk fékk ýmsar viðurkenningar fyrir skáldskap sinn og var borgarlistamaður í Reykjavík árið 1985. Ljóð hennar voru þýdd á ýmis tungumál; öll Norðurlandamálin, þýsku, spænsku, rússnesku, pólsku, nokkur indversk tungumál og fleiri.

Eiginmaður Nínu Bjarkar var Bragi Kristjónsson bóksali og eignuðust þau þrjá syni.

 

Ljósmynd: alchetron

Nína Björk Árnadóttir

  •  

    • 2000    Blómið sem þú gafst mér
    • 1997    Móðir, kona, meyja
    • 1996    Mannleg samskipti : einleikur
    • 1996    Ég heyri þig hlaupa
    • 1996    Raufarhöfn sumarið '65  
    • 1996    Alla leið hingað
    • 1995    Þriðja astin
    • 1994    Engill í snjónum
    • 1992    Ævintyrabokin um Alfreð Floka
    • 1988    Hvíti trúðurinn
    • 1988    Frystikista og svo falleg augu
    • 1985    Fugl sem flaug á snúru  
    • 1983    Súkkulaði handa Silju  
    • 1982    Svartur hestur í myrkrinu
    • 1980    Það sem gerist í þögninni
    • 1978    Hvað sögðu englarnir
    • 1977    Mín vegna og þín
    • 1975    Fyrir börn og fullorðna
    • 1971    Börnin í garðinum
    • 1968    Undarlegt er að spyrja mennina
    • 1965    Ung ljóð
  • 1985 - Borgarlistamaður Reykjavíkur 

    1982 - Rithöfundasjóður Ríkisútvarpsins

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband