Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Margrét Tryggvadóttir er rithöfundur og stjórnmálamaður Hún fæddist 20. maí árið 1972 í Kópavogi. Margrét lauk stúdensprófi frá Verzlunarskóla Íslands árið 1992 og BA prófi í almennri bókmenntafræði árið 1997.

 

Margrét stundaði verslunar- og gallerísrekstur á árunum 1992–2008. Þessu samfara var hún bókmenntagagnrýnandi á DV 1996–1999 og skrifaði fræðigreinar um barnabókmenntir; þ.á.m. í greinasafninu Raddir barnabókanna sem kom út 1999 og ennfremur er hún einn af höfundum fimmta bindis Íslenskrar bókmenntasögu sem kom út árið 2006. Auk þessa kenndi Margrét barnabókmenntir við Námsflokka Reykjavíkur og Endurmenntun KHÍ, 1997–2000. Frá árinu 2000 hefur Margrét starfað meira og minna við bókaútgáfu. Hún var ritstjóri hjá Máli og menningu og síðar Eddu útgáfu á árunum 2000–2003. Síðar sérhæfði hún sig í myndritstjórn og hefur starfað á eigin vegum síðan.

 

Margrét hefur látið nokkuð að sér kveða á sviði stjórnmála; hún var alþingismaður fyrir Borgarahreyfinguna og Hreyfinguna á árunum 2009–2013 en starfar nú við ritstjórn og ritstörf. Árið 2014 gaf hún út bókina Útistöður um reynslu sína af eftirhrunsstjórnmálum. Margrét hefur þó einkum skrifað bækur fyrir börn og sömuleiðis hefur hún þýtt nokkrar barnabækur. Hún hefur þó ekki alveg yfirgefið stjórnmálin; hún tók m.a. þátt í starfi Stjórnarskrárfélagsins og Snarrótarinnar – Samtaka um borgaraleg réttindi og bauð hún sig fram fyrir Samfylkinguna í síðustu alþingiskosningum.

 

Margrét er búsett í Kópavoginum ásamt eiginmanni og sonum.

 

Helstu heimildir:

Margrét Tryggvadóttir

    • 2016 Íslandsbók barnanna (ásamt Lindu Ólafsdóttur)
    • 2014 Útistöður
    • 2007 Drekinn sem varð bálreiður (ásamt Halldóri Baldurssyni)
    • 2006 Sagan af undurfögru prinsessunni og hugrakka prinsinsum hennar (ásamt Halldóri Baldurssyni)
    • 2006 Skoðum myndlist – heimsókn í Listasafn Reykjavíkur (ásamt Önnu C. Leplar, í samstarfi við Listasafn Reykjavíkur)

     

    Þýðingar

    • 2017 Allskonar þeytingar fyrir alla e. Michelle Keogh
    • 2009 Ósk einhyrningsins e. Carol Barton
    • 2008 Dagbók verðandi móður e. Anne Geddes
    • 2008 Leikvangurinn; Ættbálkastríðið e. Jan Kjær, Merlin P. Mann
    • 2007 Sólturninn; Völundarhúsið e. Jan Kjær, Merlin P. Mann
    • 2007 Þjófurinn; Rotturnar e. Jan Kjær, Merlin P. Mann
    • 2004 Kóralína e. Neil Gaiman

     

    • 2016 Fjöruverðlaunin, bókmenntaverðlaun kvenna: Íslandsbók barnanna (ásamt Lindu Ólafsdóttur)
    • 2007 Fjöruverðlaunin, bókmenntaverðlaun kvenna: Skoðum myndlist
    • 2006 Íslensku barnabókaverðlauin: Sagan af undurfögru prinsessunni og hugrakka prinsinum hennar (ásamt Halldóri Baldurssyni)
    • 2004 Félag starfsfólks bókaverslana – önnur besta þýdda barnabókin: Kóralína eftir Niel Gaiman

     

    Tilnefningar:

    • 2017 Barnabókaverðlaun Reykjavíkur: Íslandsbók barnanna (ásamt Lindu Ólafsdóttur)
    • 2016 Íslensku bókmenntaverðlaunin: Íslandsbók barnanna (ásamt Lindu Ólafsdóttur)
    •