Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Margrét Lóa Jónsdóttir er fædd 29. mars árið 1967. Undanfarna áratugi hefur hún helst fengist við skáldskap og kennslu. Fyrsta verk hennar, ljóðabókin Glerúlfar, kom út árið 1985. Hún hefur m.a. fengist við kennslu í skapandi skrifum og þáttagerð hjá RÚV. Jafnframt ritstýrði hún listatímaritinu Andblæ um tveggja ára skeið, frá árinu 1998-2000.


Margrét Lóa tók þátt í Bókmenntahátíð í Reykjavík árið 2000. Árið 2003 kom út geisladiskurinn Hljómorð með ljóðum hennar og tónlist eftir Gísla Magnússon.


Haustið 2001 var þeim boðið á bókamessuna í Gautaborg til að kynna diskinn. Árið 2008 tók Margrét Lóa þátt í alþjóðlegri bókmenntahátíð í borginni Granada í Níkaragva. Einnig tók hún þátt í vinnubúðum í ljóðaþýðingum haustið 2012 í Galisíu.Síðast liðin ár hefur hún fengist töluvert við ljóðaþýðingar, sér í lagi úr spænsku.


Auk 10 ljóðabóka, hljómdisks og skáldsögu, hefur Margrét Lóa starfrækt listagalleríið Marló og bókaútgáfu undir sama nafni. Þá fæst hún einnig við myndlist og hönnun bókverka.

Margrét Lóa hlaut viðurkenningu frá Bókasafnssjóði fyrir ritstörf árið 2002 og frá Fjölíssjóði Rithöfundasambands Íslands árið 2005.

 

Margrét Lóa Jónsdóttir

    • 2017     Biðröðin framundan
    • 2017    50 sinnum kringum sólina
    • 2015    Frostið inni í hauskúpunni
    • 2005    Tímasetningar
    • 2004    Laufskálafuglinn
    • 2003    Hljómorð
    • 2002    Ljóð í Cold Was That Beauty
    • 2001    Háværasta röddin í höfði mínu
    • 1997    Ljóðaást
    • 1996    Tilvistarheppni
    • 1991    Ávextir
    • 1989    Orðafar
    • 1986    Náttvirkið
    • 1985    Glerúlfar