Lilja Magnúsdóttir

Lilja Magnúsdóttir fæddist 30. ágúst 1963 og ólst upp í Borgarfirði, var í Reykholtsskóla og lauk svo stúdentsprófi frá Fjölbrautarskólanum í Ármúla 1983. Lilja lauk BA námi í íslenskum fræðum frá Háskóla Íslands árið 1990 og Uppeldis- og kennsluréttindanámi frá HÍ 1994. Hún var kennari við Kirkjubæjarskóla á Síðu, Kópavogsskóla, Fjölbrautarskólann í Garðabæ og Menntaskólann í Kópavogi, þar sem hún var einnig fagstjóri íslenskudeildar. Lilja hefur kennt íslensku sem annað mál, bæði börnum og fullorðnum og starfar við það með annarri vinnu í dag.

 

Árið 2014 lauk Lilja meistaraprófi í Hagnýtri ritstjórn og útgáfu frá Háskóla Íslands þar sem meistaraprófsritgerðin fjallaði um sögu, menningu og náttúru í sveitunum milli Mýrdalssands og Skeiðarársands sem oft voru nefndar Eldsveitirnar. Þetta efni er nú aðgengilegt á vefnum eldsveitir.is sem Lilja á og ritstýrir.

 

Lilja Magnúsdóttir býr á Kirkjubæjarklaustri þar sem hún er kynningarfulltrúi fyrir Skaftárhrepp í hálfu starfi en verkefnastjóri á Kirkjubæjarstofu að hluta. Verkefnin sem hún hefur haft umsjón með eru listaverkið Gullmolinn, verk sem minnir á litlu rafstöðvarnar í sveitum landsins, Myndspor, söfnun gamalla ljósmynda úr Skaftárhreppi sem margar má sjá á vefnum eldsveitir.is og verkefni sem enn er í gangi en það er söfnun þjóðsagna og skráning þeirra á vefinn sagnirafsudurlandi.is.

 

Lilja hefur fengið birtar eftir sig smásögur, Tvö lítil í Tímariti Máls og menningar árið 1991 og Svikarann árið 2008 í samnefndu smásagnahefti en hún hlaut Gaddakylfuna fyrir þá síðari. Árið 2018 sendi hún frá sér sína fyrstu skáldsögu, Svikarann.

 

Lilja skrifaði um sögu Sparisjóðs Vestur-Skaftafellssýslu í Héraðsritið Dynskógar 10, sem birtist árið 2006 og einnig hafa pistlar birst eftir Lilju í veftímaritinu Úr vör og í dálknum Tungutak í Morgunblaðinu.

 

Lilja Magnúsdóttir

    • 2006 „Saga Sparisjóðs Vestur-Skaftafellssýslu". Dynskógar. Rit Vestur-Skaftfellinga 10. 
    • 2018  Svikarinn
    • 2008  Gaddakylfan: Svikarinn (smásaga)

    Tilnefning

    • 2019  Íslensku hljóðbókaverðlaunin: Svikarinn (skáldsaga).

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband