Kristín Björg Sigurvinsdóttir

Kristín Björg Sigurvinsdóttir er fædd árið 1992 og býr í Reykjavík ásamt eiginmanni sínum. Hún er mikill bókaormur en ævintýri og fantasíur voru bækurnar sem kveiktu lestraráhugann hjá henni. Þrettán ára gömul skrifaði hún sína fyrstu skáldsögu, Dóttir hafsins, og er það fyrsta bókin í þríleiknum Dulstafir. Handritið lá ofan í skúffu í hartnær tólf ár þar til hún tók það upp að nýju eftir háskólanámið og endurskrifaði bókina.

 

Kristín er með BA-gráðu og meistaragráðu í lögfræði frá Háskóla Íslands. Hún starfaði sem lögfræðingur í tvö ár en árið 2019 ákvað hún að skipta um starfsferil og elta drauminn um að gefa út bókina sem hún skrifaði á unglingsárunum.

 

Dóttir hafsins gerist í skálduðum neðansjávarheimi og er hörkuspennandi fyrir ungmenni og alla þá sem elska ævintýri.

Kristín Björg Sigurvinsdóttir

    • 2020 Dóttir hafsins
  • Tilnefning:

    • 2020 Íslensku bókmenntaverðlaunin: Dulstafir: Dóttir hafsins