Kikka - Kristlaug M. Sigurðardóttir
Kristlaug M. Sigurðardóttir - Kikka - er fædd á Akureyri árið 1964.
Kikka hefur skrifað bækur, útvarpsleikrit, sjónvarpshandrit og kvikmyndahandrit.
Ávaxtakarfan er með þekktustu verkum hennar og hefur leikritið verið sett upp margoft á Íslandi, bæði hjá atvinnuleikhópum og ekki síður hjá áhugamannaleikfélögum og skólum. Auk þess hefur verið framleidd kvikmynd um Ávaxtakörfuna og sjónvarpsþáttaröð sem var sýnd á Stöð 2 haustið 2013.
Kikka rekur eigið framleiðslufyrirtæki, Galdrakassann ehf og hún stofnaði Bókasamlagið, sem staðsett er í Skipholti, ásamt Önnu Láru Árnadóttur. Bókasamlagið veitir ráðgjöf og þjónustu til höfunda, sérstaklega þeirra sem kjósa að gefa út sjálfir en þurfa á þeirri þjónustu að halda sem bókaforlög leggja alla jafna til eins og ritstjórn, prófarkalestur, umbrot, markaðssetning og dreifing.
Ljósm: Mbl.
Ritaskrá
- 2022 Leikskólakrakkar: Vetrardagur
- 2019 Leikskólakrakkar: Jólagjafastressið
- 2013 Þegar Immi ananas fékk frekjukast
- 2013 Þegar Mæja jarðarber varð óvinsamleg
- 2009 Jón Ólafur með dauðann á hælunum
- 2008 Jón Ólafur jólasveinn
- 2008 Hafið bláa
- 2004 Sveitasæla
- 2002 Ávaxtakarfan
- 2002 Didda og dauði kötturinn