Katrín Júlíusdóttir

Katrín Júlíusdóttir er fædd í Reykjavík 23. nóvember 1974. Hún er fyrrverandi alþingismaður og ráðherra en hún sat á þingi frá 2003-2016 fyrir Samfylkinguna. Í dag starfar Katrín sem framkvæmdastjóri Samtaka fjármálafyrirtækja.

 

Árið 2020 hlaut Katrín spennusagnaverðlaunin Svartfuglinn fyrir skáldsöguna Sykur sem er hennar fyrsta bók. Í ummælum dómnefndar kom meðal annars fram að í sögunni sé dregin upp mynd af „sérlega trúverðugum persónum sem standa andspænis skelfilegum glæpum“. Þá var Katrínu hælt fyrir vel unna fléttu og færni í að segja átakanlega fjölskyldusögu en dómnefndin taldi bókina „grípandi strax frá fyrstu síðu og allt til óvæntra endalokanna“. Fyrri reynsla Katrínar hefur eflaust nýst henni við skrifin því í sögunni er að finna góða innsýn í baksvið íslenskrar stjórnsýslu.

 

Mynd: Alþingi.is

Katrín Júlíusdóttir

    • Sykur 2020
    • 2020   Svartfuglinn: Sykur