Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Jóna Guðbjörg Torfadóttir fæddist árið 1969 og er uppalin í Reykjavík. Hún hefur ort ljóð og samið sögur frá því hún man eftir sér og sömuleiðis hefur hún aðeins fengist við þýðingar og samningu námsefnis og fræðigreina. Greinin Gunnhildur and the male whores birtist rafrænt á vefsíðu háskólans í Tübingen árið 2002 og Í orðastað Alfífu birtist í Skírni tveimur árum síðar. Stöku ljóð hafa birst eftir Jónu á prenti, m.a. í samstarfi við ljóðahópinn Ísabrot sem gaf út Fley og fagrar árar 2001 og Fley og fleiri árar 2002. Afrakstur frá þessum tíma birtist síðan í ljóðabókinni Ég fór hvergi - sjálfhverf ljóð sem hún gaf út sjálf árið 2012. Sama ár stofnaði Jóna ljóðahópinn Tásurnar og gaf hann út ljóðabókina Tásuna á rafrænu formi árið 2014. Ljóðahópurinn Tásan er enn starfandi og hefur staðið fyrir ýmsum uppákomum. Árið 2014 kom einnig út ljósmyndabókin Hnýsni - að tjaldabaki listamanna í takmörkuðu upplagi, sem geymir ljósmyndir Ásgeirs Ásgeirssonar (Geirix) en þar á Jóna nokkrar ljóðrænar línur.

 

Árið 2014 gaf bókaforlagið Sæmundur út Orkneyskar þjóðsögur, í tíu ára gamalli þýðingu Jónu, og ári síðar sá Sæmundur einnig um útgáfu á barnabókinni Ævintýragarðinum - þar sem Ása, Signý og Helga koma hvergi við sögu.  Þá birtist námsefnið Flísar, örsögur um siðferðileg álitamál, á Skólavefnum árið 2015 og ári síðar varð það aðgengilegt á Framhaldsskóli.is. 

Jóna Guðbjörg Torfadóttir

    • 2019  Tásurnar (ásamt Ágústi Ásgeirssyni og Jóhanni G. Thorarensen) 
    • 2015  Ævintýragarðurinn: þar sem Ása, Signý og Helga koma hvergi við sögu
    • 2012  Ég fór hvergi: sjálfhverf ljóð

     

    Þýðing

    2014 Orkneyskar þjóðsögur - Tom Muir safnaði.

     

    Jóna hefur einnig skrifað greinar og kennsluefni.

  • Hér má nálgast kennsluefnið Flísar:

     

    Hér má nálgast greinina Gunnhildur and the male whores: