Hildur Hákonardóttir

Auður Hildur Hákonardóttir er fædd 1938. Hún stundaði nám við MR frá 1953-55 og fluttist til Bandaríkjanna 1956. Hún lagði stund á myndlistarnám við Myndlista- og handíðaskóli Íslands 1964-68 og Edinburgh College of Art 1968-69. Lauk vefnaðarkennaraprófi 1979 og hefur starfað við myndvefnað síðan og sýnt verk sín hérlendis og erlendis. Hildur var kennari (og skólastjóri 1975-78) við MHÍ frá 1969 og allt til 1980. 

 

Hildur fluttist í Ölfusið 1980 og var forstöðumaður Byggða- og listasafns Árnesinga til 1986-1993 og í hálfu starfi 1997-2000. Hildur starfaði með SÚM hópnum og var í forsvari þar um tíma eftir að hinn eiginlegi kjarni hans leystist upp og fór úr landi. Hún tók þátt í samsýningum hérlendis og erlendis og á verk á Listasafni Íslands og í nokkrum opinberum byggingum. 

 

Hildur hefur starfað að ýmsum félagsmálum tengdum listgrein sinni, svo sem í Ullarvinnslu Þingborgar allt frá stofnun 1991. Hún tók virkan þátt í samvinnu fagfólks frá Hjaltlandi og Noregi í þeim tilgangi að endurvekja þekkingu á hinum forna kljásteinavefstað og afurðum hans. Hildur var virk í Rauðsokkahreyfingunni, hún á myndasögu í riti sem er helgað kvennafrídeginum 1975 og minningu frumherjans, blaða- og baráttukonunnar Vilborgar Harðardóttur. Hildur sat í tilnefningarnefnd þýddra ritverka á vegum bókaútgefenda 2018.

 

Hildur hefur fengið birt efni í eftirfarandi bókum:

Dagbók Íslendinga, 1999

Hefurðu séð huldufólk, 2007

Á rauðum sokkum. Baráttukonur segja frá, 2011

The Warp Weighted Loom. Oppstadveven, Kljásteinavefstaðurinn, Gerstad Museum, Skald, Bergen, 2016

 

 

Hildur Hákonardóttir

    • 2019 Hvað er svona merkilegt við það að vera biskupsfrú?

    • 2008 Blálandsdrottningin og fólkið sem ræktaði kartöflurnar

    • 2005 Ætigarðurinn

    • 2005 Já, ég þori, get og vil