Hallfríður Ólafsdóttir

Hallfríður fæddist í Reykjavík 12. júlí 1964.

 

Hallfríður var höfundur og listrænn stjórnandi fræðsluverkefnisins um Maxímús Músíkús. Bækur hennar um Maxímús hafa komið út á átta tungumálum. Vel yfir hundrað tónleikar byggðir á sögunum hafa verið haldnir af sinfóníuhljómsveitum víða um heim, m.a. í New York, Washington, LA, Berlín, Stokkhólmi, Kuala Lumpur og Melbourne. Hallfríður starfaði lengi með KÍTÓN – Félagi kvenna í tónlist og sat í fyrstu stjórn þess. Í febrúar 2020 stjórnaði hún hljómsveit sem flutti tónlist eftir gleymdar konur fyrri alda.

 

Hallfríður gekk í Kársnesskóla í Kópavogi og Kvennaskólann í Reykjavík. Hún lauk stúdentsprófi frá Menntaskólanum í Reykjavík. Hún lauk bæði einleikaraprófi og blásarakennaraprófi frá Tónlistarskólanum í Reykjavík og framhaldsprófum frá Royal Northern College of Music og Royal Academy of Music. Auk þess tók hún einkatíma í París. Hallfríður var leiðandi flautuleikari Sinfóníuhljómsveitar Íslands. Hún er stofnandi kammerhópsins Camerarctica og sinnti uppfræðslu ungs tónlistarfólks, bæði í flautuleik, m.a. við Menntaskóla í tónlist, Tónlistarskóla Garðabæjar og Listaháskólann, og með þjálfun tréblásaradeilda ýmissa sinfóníuhljómsveita ungliða, m.a. Ungsveitar Sinfóníuhljómsveitar Íslands. Síðustu árin sinnti hún í auknum mæli hljómsveitarstjórn og stjórnaði tónleikum Sinfóníuhljómsveitar Íslands, Sinfóníuhljómsveitar áhugamanna, Sinfóníuhljómsveitar unga fólksins og bæði Sinfóníuhljómsveitar Norðurlands og Austurlands, auk þess að hafa stjórnað ýmsum minni hópum. 

 

 

Hallfríður lést á líknardeild Landspítala, 4. september 2020.

 

 

Mynd: Forlagið

 

 

Hallfríður Ólafsdóttir

    • 2018 Maxímús Músíkús fer á fjöll
    • 2014 Maxímús Músíkús kætist í kór
    • 2012 Maxímús Músíkús bjargar ballettinum
    • 2010 Maxímús Músíkús trítlar í tónlistarskólann
    • 2008 Maxímús Músíkús heimsækir hljómsveitina
    • 2020  Heiðursviðurkenning frá Garðabæ fyrir mikilvægt framlag til menningar og lista
    • 2019  Heiðursviðurkenning útflutningsverðlauna forseta Íslands fyrir einstakt framlag til að auka hróður Íslands á erlendri grund
    • 2017  Eldhugi ársins frá Rótaryklúbbi Kópavogs
    • 2014   Riddarakross hinnar íslensku fálkaorðu fyrir frumkvöðlastarf í þágu tónlistarfræðslu
    • 2003 Bæjarlistamaður Garðabæjar
    • 2002   Heiðursnafnbótin Associate of the Royal Academy of Music í London

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband