Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Guðrún Eva Mínervudóttir er fædd í Reykjavík 17. mars 1976. Hún stundaði nám í ýmsum framhaldsskólum á árunum 1993 til 1996 og vann jafnframt sem barþjónn og við framreiðslu á veitingahúsum. Hún hóf nám í heimspeki við Háskóla Íslands 1997 og stundaði það með hléum þar til hún lauk prófi 2007. Hún var blaðamaður í lausamennsku hjá Helgarpóstinum 1996 - 1997.

 

Fyrsta bók Guðrúnar Evu, Sóley sólufegri, kom út í mjög takmörkuðu upplagi árið 1998 en sama ár gaf Bjartur út eftir hana smásagnasafnið Á meðan hann horfir á þig ertu María mey og vakti það mikla athygli. Síðan hafa fimm skáldsögur bæst í hópinn, þær fyrstu hjá Bjarti en sú síðasta hjá Máli og menningu, auk ljóðabókar og heimspekilegra smásagna fyrir börn sem Námsgagnastofnun gaf út. Guðrún Eva hefur einnig þýtt tvær skáldsögur sem komu út hjá Bjarti.

 

Guðrún Eva hefur gefið út 13 bækur og hlaut hún Íslensku bókmenntaverðlaunin árið 2012 fyrir skáldsögu sína Allt með kossi vekur. Skáldsagan Fyrirlestur um hamingjuna var tilnefnd til Íslensku bókmenntaverðlaunanna árið 2000 og Sagan af sjóreknu píanóunum til Menningarverðlauna DV í bókmenntum 2002. Guðrún Eva hlaut síðan Menningarverðlaun DV 2005 fyrir skáldsögu sína, Yosoy. Kvikmyndafyrirtækið Pegasus hefur keypt kvikmyndaréttinn að bókinni.

 

Guðrún Eva Mínervudóttir býr í Hveragerði. Hún er gift og á eina dóttur.

Guðrún Eva Mínervudóttir

    • 2018 Ástin, Texas
    • 2016 Skegg Raspútíns
    • 2011 Allt með kossi vekur
    • 2008 Skaparinn
    • 2005 Yosoy: Af líkamslistum og hugarvíli í hryllingsleikhúsinu við Álafoss
    • 2002 Albúm
    • 2002 Sagan af sjóreknu píanóunum
    • 2001 Valur: heimspekilegar smásögur
    • 2000 Á brún alls fagnaðar: ljóð handa Hrafni
    • 2000 Fyrirlestur um hamingjuna
    • 1999 Ljúlí ljúlí
    • 1998 Á meðan hann horfir á þig ertu María mey

     

    Þýðingar

    • 2006 Leyndardómur býflugnanna e. Sue Monk Kidd
    • 2003 Ljónadrengurinn e. Zizou Corder