Guðrún Brjánsdóttir
Guðrún Brjánsdóttir er fædd árið 1995 í Reykjavík.
Guðrún lauk stúdentsprófi frá fornmáladeild Menntaskólans í Reykjavík vorið 2015 og hóf þá nám í íslensku með ritlist sem aukagrein við Háskóla Íslands. Hún hefur lokið framhaldsprófi í píanói og einsöng frá Tónlistarskólanum í Reykjavík og lagði stund á söngnám samhliða íslenskunáminu.
Guðrún hefur birt ljóð og smásögur á ýmsum vefmiðlum, meðal annars á Eólan dúrar og Norden i Skolen. Í desember 2016 hlaut hún fyrstu verðlaun í ljóðasamkeppni Mímis, félags íslensku- og málvísindanema, fyrir ljóð sitt Orðin.
Fyrsta ljóðabók Guðrúnar, Skollaeyru, kom út þann 15. desember 2017 og fyrsta skáldsaga hennar, Óbragð, kom út 2022.
Ritaskrá
- 2022 Óbragð
- 2020 Sjálfstýring
- 2017 Skollaeyru
Verðlaun og viðurkenningar
- 2020 Verðlaun fyrir söguna Sjálfstýring í samkeppninni Nýjar raddir
Þýðingar
- 2023 Sólgarðurinn eftir Beini Bergsson
- 2019 Litli drengurinn og beinagrindin eftir Beini Bergsson
