Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Fríða Á. (Áslaug) Sigurðardóttir fæddist á Hesteyri í Sléttuhreppi þann 11. desember 1940. Hún lauk Cand mag prófi í íslensku frá Háskóla Íslands 1979. Hún starfaði sem bókavörður á Háskólabókasafni og Ameríska bókasafninu frá 1964 til 1970, var deildarfulltrúi við heimspekideild Háskóla Íslands frá 1971 til 1973 og stundakennari við Háskóla Íslands og Kennaraháskóla Íslands frá 1973 til 1975. Frá 1978 starfaði hún alfarið við ritstörf.

 

Fyrsta bók Fríðu, smásagnasafnið Þetta er ekkert alvarlegt, kom út árið 1980. Hún sendi síðan frá sér fleiri smásögur auk skáldsagna og þýðinga á verkum erlendra höfunda. Skáldsaga hennar, Meðan nóttin líður (1990), hlaut Íslensku bókmenntaverðlaunin 1991 og Bókmenntaverðlaun Norðurlandaráðs 1992. Hún hefur verið þýdd á Norðurlandamál og ensku. Einnig birti Fríða greinar um bókmenntir í blöðum og tímaritum og sendi frá sér ritgerð um leikrit Jökuls Jakobssonar. Síðasta verk Fríðu er skáldsagan Í húsi Júlíu sem kom út í október 2006.

 

Fríða Á. Sigurðardóttir lést í Reykjavík þann 7. maí 2010. Hún var gift Gunnari Ásgeirssyni og eru synir þeirra tveir og barnabörnin sex.

Fríða Á. Sigurðardóttir

    • 2006 Í húsi Júlíu
    • 2000 Sumarblús
    • 1998 Maríuglugginn
    • 1994 Í luktum heimi
    • 1990 Meðan nóttin líður
    • 1986 Eins og hafið
    • 1984 Hugleiðingar um stöðnun
    • 1984 Við gluggann
    • 1981 Sólin og skugginn
    • 1980 Þetta er ekkert alvarlegt

     

    Þýðingar

    • 1991 Í góðu hjónabandi e. Doris Lessing
    • 1986 Ferðin til Kalajoki e. Carl-Anders Norrlid
    • 1986 Þjóð bjarnarins mikla: Skáldsaga um börn jarðar e. Jean M. Auel
    • 1985 Lestarferðin e. T. Degens
    • 1983 Furður veraldar e. Arthur C. Clarke, Simon Welfare og John Fairley

    Auk þessa skrifaði Fríða fræðibækur og greinar.

  • Verðlaun og viðurkenningar:

    • 2001 - Heiðurslaun listamanna
    • 1992 - Bókmenntaverðlaun Norðurlandaráðs: Meðan nóttin líður
    • 1991 - Menningarverðlaun DV í bókmenntum: Meðan nóttin líður
    • 1990 - Íslensku bókmenntaverðlaunin: Meðan nóttin líður
    • 1988 - Rithöfundasjóður Ríkisútvarpsins
    • 1982 - Viðurkenning Rithöfundarsjóðs Íslands


    Tilnefningar:

    • 1994 - Íslensku bókmenntaverðlaunin: Í luktum heimi