Eva Björg Ægisdóttir er fædd árið 1988 á Akranesi þar sem hún ólst upp og nýtir hún sér innsýn sína í smábæjarlífið í bókum sínum.

 

Eva Björg hefur fengist við skriftir frá unga aldri og á unglingsaldri hlaut hún verðlaun í smásagnasamkeppni. Hún kom fyrst fram á sjónarsvið íslenskra lesenda árið 2018 þegar hún sigraði í samkeppninni Svartfuglinn þar sem nýir höfundar geta sent inn handrit að glæpasögu. Það voru glæpasagnahöfundarnir Yrsa Sigurðardóttir og Ragnar Jónasson sem stofnuðu til verðlaunanna í samvinnu við bókaforlagið Veröld.

 

Verðlaunaverk Evu Bjargar, Marrið í stiganum, gerist á Akranesi og þar kynnist lesandinn rannsóknarlögreglukonunni Elmu og aðstoðarmanni hennar, Sævari. Í annarri bókinni, Stelpur sem ljúga, sem kom út árið 2019, er sama teymi á ferðinni og má kalla bókina sjálfstætt framhald af þeirri fyrstu.

 

Nýverið kom Marrið í stiganum út í enskri þýðingu Victoriu Cribb og nefnist The creak on the stairs.

 

Eva Björg býr núna í vesturbænum í Reykjavík, ásamt manni sínum og þremur börnum.

Eva Björg Ægisdóttir

    • 2018   Marrið í stiganum
    • 2019   Stelpur sem ljúga
    • 2020   Íslensku hljóðbókaverðlaunin: Marrið í stiganum
    • 2018   Svartfuglinn: Marrið í stiganum

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband