Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Elín Ebba Gunnarsdóttir er fædd í Reykjavík 1953. Hún er stúdent frá MR 1973 og hjúkrunarfræðingur frá Hjúkrunarskóla Íslands 1981. Hún kom einnig við í bókmenntafræði HÍ, en lauk þar ekki prófi. 

 

Elín Ebba vann bókmenntaverðlaun Tómasar Guðmundssonar 1997 fyrir fyrstu bók sína, smásagnasveiginn Sumar Sögur. Bókin var þýdd á þýsku af Karl-Ludwig Wetzig og gefin út af Suhrkamp forlaginu.   

 

Smásagnasafnið Ysta brún kom út 1999.

 

Höfundur á ljóð í Blánótt; Ljóð Listahátíðar 1996,  tveimur ljóðabókum eftir höfunda Ritlistarhóps Kópavogs;  eitt í Sköpun frá 2001 sem Baltasar myndskreytti og annað í bókinni Í augsýn frá 2009 og víðar.

 

Einnig smásögu í Þrisvar þrjár sögur; bók sem var afrakstur samstarfs Félags íslenskra bókaútgefenda og bóksala og gefin út í tilefni af Viku bókarinnar 1999. 

Tvær sögur birtust svo í Stefnumót; smásögum Listahátíðar árið 2000. 

 

Þýddar sögur eftir Elínu Ebbu hafa birst í safnriti Gerd Schmiddt Nielsen´s Nordiske noveller i 1990´erne (1999),  í Wortlaut Island, Isländische Gegenwartsliterature árið 2000 í ritstjórn Gíslason - Magnússon, Schiffer (Hrsg.), í Meren neitoja ja meren miehiä, safnrit íslenskra smásagna á finnsku 2001 í umsjón Seija Holopainen og loks í Uppspuna, nýjum íslenskum smásögum í samantekt Rúnars Helga Vignissonar.

 

Árið 2009 kom út Ástvinamissir vegna sjálfsvígs, handbók til sjálfshjálpar fyrir aðstandendur, sem Elín Ebba þýddi, staðfærði og jók við af vef Survivors of Suicide 2009. Þessi bæklingur fæst enn endurgjaldslaust hjá Biskupsstofu, sem ásamt Skálholtsútgáfunni sá og sér um alla umsetningu og prentun hans.

 

Fjórar smásögur eftir Oscar Wilde í þýðingu höfundar voru lesnar á rás 1; Fyrirmyndarmilljónerinn, Rósin og næturgalinn, Sfinxinn sem átti sér engin leyndarmál og Prinsinn hamingjusami. Þær þýðingar hafa ekki birst á prenti.

 

Elín Ebba hefur eignast tvær dætur og tvo syni og er gift Ármanni Hauki Benediktssyni.

 

 

 

 

 

Elín Ebba Gunnarsdóttir

    • 2004 Ding (smásaga í Uppspuna)
    • 1999 Ysta Brún
    • 1997 Sumar sögur