Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Brynhildur Þórarinsdóttir er fædd í Reykjavík 27. ágúst 1970. Hún lauk stúdentsprófi frá M.R. 1990, B.A. prófi í íslensku frá Háskóla Íslands 1995 og M.A. prófi í íslenskum bókmenntum frá sama skóla 2004. Ári síðar lauk hún kennsluréttindanámi við Háskólann á Akureyri. Milli prófa starfaði Brynhildur sem blaðamaður og pistlahöfundur, bæði fyrir útvarp og prentmiðla. Hún var einn umsjónarmanna Þjóðbrautarinnar á Bylgjunni og ritstýrði meðal annars Vinnunni, tímariti Alþýðusambands Íslands, og Tímariti Máls og menningar. Brynhildur er núna dósent í íslensku við Kennaradeild Háskólans á Akureyri. Hún hefur verið formaður SÍUNG og er nú í forsvari fyrir Barnabókasetur, rannsóknasetur um barnabókmenntir og lestur barna við HA.

 

Brynhildur vann til fyrstu verðlauna í smásagnasamkeppni Samtaka móðurmálskennara 1997 fyrir söguna Áfram Óli. Sagan kom út í samnefndu smásagnasafni 1998. Síðan hefur Brynhildur sent frá sér nokkrar endursagnir fyrir börn á Íslendingasögum auk skáldsagna fyrir börn og unglinga. Fyrir eina þeirra, Leyndardómur ljónsins, fékk hún Íslensku barnabókaverðlaunin 2004. Hún hlaut Norrænu barnabókaverðlaunin 2007 fyrir endursagnir sínar á Íslendingasögunum Njálu, Eglu og Laxdælu. Brynhildur heldur úti vefnum www.islendingasogur.is um efni sagnanna, en hefur einnig sent frá sér skólaútgáfur af Íslendingasögum fyrir íslenskan og enskan markað.

 

Brynhildur býr á Akureyri ásamt fjölskyldu sinni og á þrjá bókaorma í grunnskóla. Hún var bæjarlistamaður Akureyrar 2006-2007.

Brynhildur Þórarinsdóttir

    • 2017 Gulbrandur Snati og nammisjúku njósnararnir

    • 2016 Warriors of Honour (Oxford University Press)

    • 2015 Njálssona saga og Kára. Brennu-Njáls saga seinni hluti (Námsgagnastofnun)

    • 2015 Hallgerðar saga og Gunnars. Brennu-Njáls saga fyrri hluti (Námsgagnastofnun)

    • 2014 Egils saga (Námsgagnastofnun)

    • 2012 Blávatnsormurinn
    • 2011 Óskabarn : bókin um Jón Sigurðsson (Auk þess samnefnd sýning í Þjóðmenningarhúsinu)
    • 2009 Gásagátan: spennusaga frá 13. öld
    • 2008 Nonni og Selma: Fjör í fríinu
    • 2007 Nonni og Selma: Fjör í fyrsta bekk
    • 2006 Laxdæla
    • 2004 Egla
    • 2004 Leyndardómur ljónsins
    • 2002 Lúsastríðið
    • 2002 Njála

     

    Einnig hafa birst smásögur og greinar eftir Brynhildi í safnritum og tímaritum.

    • 2007 - Norrænu barnabókaverðlaunin: Njála, Egla og Laxdæla
    • 2006 - Bæjarlistamaður á Akureyri
    • 2004 - Íslensku barnabókaverðlaunin: Leyndardómur ljónsins
    • 2003 - Vorvindar IBBY: Njála
    • 1997 - Fyrstu verðlaun í smásagnasamkeppni Félags móðurmálskennara: ,,Áfram Óli"
       

    Tilnefningar

    • 2018 - Fjöruverðlaunin: Gulbrandur Snati og nammisjúku njósnararnir