Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Björg Guðrún Gísladóttir er fædd í Reykjavík 2. október 1956. Hún ólst upp í Reykjavík og stundaði nám á myndlistarbraut Fjölbrautarskólans í Breiðholti. Björg lauk BA gráðu í bókmenntafræði og ritlist frá Háskóla Íslands 2008. Hún á þrjú börn og meðfram barnauppeldi skrifaði hún ljóð sem til að byrja með enduðu ofan í skúffu. Nokkur ljóða Bjargar birtust svo í tímaritinu Andblæ og í Lesbók Morgunblaðsins.

 

Árið 1995 sendi Björg frá sér ljóðabókina Sigurvegarinn sárfætti og 2014 minningasöguna Hljóðin í nóttinni. Eftir útgáfu minningasögunnar hafa Björg og Dr. Guðbjörg Ottósdóttir haldið fyrirlestra um börn í ábyrgðarhlutverkum, fyrir fagfólk og aðra sem koma að fjölskyldum með frávik. Björg hefur einnig skrifað fyrir leiksvið. Árið 1994 skrifaði hún einleikinn Þá mun enginn skuggi vera til sem sýndur var víðs vegar um Ísland, sem og í Svíþjóð og Noregi. Einleikurinn fjallar um sifjaspell og afleiðingar þess. Björg sat í leikritasmiðju á vegum Leikskáldafélags Íslands og Borgarleikhússins og skrifað þar einþáttunginn Brenndar varir sem sýndur var á Litla sviði Borgarleikhússins. Hann fjallar um konu sem horfist í augu við samkynhneigð sína.

 

Um Hljóðin í nóttinni segir m.a. í ritdómi: „Björg Guðrún er enn einn höfundurinn sem stígur fram af miklu hugrekki og lýsir því hvernig kerfið og samfélagið brást börnum sínum á þessum tímum.“

Björg Guðrún Gísladóttir

    • 2019 Skuggasól
    • 2014 Hljóðin í nóttinni. Minningabók
    • 1996 Brenndar varir. Einleikur
    • 1995 Sigurvegarinn sárfætti. Ljóðabók
    • 1994 Þá mun enginn skuggi vera til. Einleikur, meðhöfundur Kolbrún Erna Pétursdóttir
  • 2014 Hljóðin í nóttinni tilnefnd til Íslensku bókmenntaverðlaunanna í flokki fræðibóka og rita almenns efnis