Bergrún Íris Sævarsdóttir

Bergrún Íris Sævarsdóttir er fædd árið 1985 og býr í Hafnarfirði ásamt fjölskyldu sinni. Bergrún útskrifaðist með BA gráðu í listfræði úr Háskóla Íslands 2009, lauk diplómanámi í teikningu frá Myndlistaskólanum í Reykjavík vorið 2012 og sótti sumarskóla í barnabókagerð í Anglia Rushkin, Cambridge School of Art.


Bergrún hefur alltaf haft áhuga á barnabókum en sá áhugi fékk byr undir báða vængi þegar hún varð móðir haustið 2009. Hún hefur myndskreytt fjölda barnabóka og námsefni, haldið einkasýningar og tekið þátt í samsýningum. Fyrsta bók Bergrúnar sem rithöfundur var barnabókin Vinur minn, vindurinn sem kom út hjá Bókabeitunni haustið 2014 og var tilnefnd til Fjöruverðlaunanna og Barna- og unglingabókmenntaverðlauna Norðurlandaráðs. (sjá vefsíðu Bókabeitunnar)

 

Bergrún var tilnefnd til Fjöruverðlaunanna - bókmenntaverðlauna kvenna fyrir bókina Lang-elstur í bekknum árið 2018 og Lang-elstur í leynifélaginu árið 2019. Bergrún hreppti í ár Fjöruverðlaunin fyrir bók sína Kennarinn sem hvarf og Íslensku bókmenntaverðlaunin fyrir Langelstur að eilífu.

 

 

Bergrún Íris Sævarsdóttir

    • 2020 Kennarinn sem hvarf sporlaust
    • 2019 Kennarinn sem hvarf
    • 2019 Lang-elstur að eilífu
    • 2019 Hauslausi húsvörðurinn
    • 2018 Lang-elstur í leynifélaginu
    • 2018 Næturdýrin
    • 2017 Lang-elstur í bekknum
    • 2015 Viltu vera vinur minn?
    • 2015 Sjáðu mig sumar
    • 2014 Vinur minn, vindurinn

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband