Berglind Ósk Bergsdóttir

Berglind Ósk Bergsdóttir er fædd árið 1985. Hún lauk stúdentsprófi frá Menntaskólanum við Kópavogi 2005 og B.Sc. í tölvunarfræði frá Háskóla Íslands 2010. Berglind Ósk stundar nú meistaranám í ritlist við HÍ.

 

Berglind Ósk á sögu í smásagnasafninu Þægindarammagerðin (Una útgáfuhús, 2021). Hún gaf út ljóðabókina Berorðað árið 2016 og ritstýrði jólabók Blekfjelagsins, Heima (2020), auk þess að eiga örsögu í þeirri bók sem og Hefðum árinu áður. Smásögur, ljóð og þýðingar hafa birst eftir hana í tímaritum og á vefnum. Ljóð hennar, Hlutskipti, hlaut viðurkenningu í ljóðasamkeppni Júlíönu – hátíð sögu og bóka (2021). Í nóvember 2020 gerði hún útvarpsþáttinn Þrautir þýðandans í samvinnu við Rás 1 í þáttaröðinni Fólk og fræði. Berglind Ósk er einnig reyndur fyrirlesari og hafa fyrirlestrar hennar um loddaralíðan vakið mikla lukku hérlendis sem erlendis.

 

Berglind Ósk starfar sjálfstætt sem sérfræðingur í notendamiðaðri textasmíði. Verkefni hennar, 112.is (stafrænt tól í baráttunni við ofbeldi) hlaut verðlaun sem stafræn lausn og vefur ársins á Íslensku vefverðlaununum 2021 en þar má meðal annars lesa eftir hana dæmisögur um faldar birtingarmyndir ofbeldis.

Berglind Ósk Bergsdóttir

    • Þægindarammagerðin (2021), ásamt öðrum höfundum.
    • Heima (2020), ásamt öðrum höfundum.
    • Hefðir (2019), ásamt öðrum höfundum.
    • Berorðað (2016)
    • 2021 - Viðurkenning í ljóðasamkeppni Júlíönu – hátíð sögu og bóka fyrir ljóðið Hlutskipti.
    • 2021 - Verðlaun fyrir vef ársins og stafræna lausn fyrir verkefnið 112.is.