Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Auður Ava Ólafsdóttir fæddist í Reykjavík árið 1958. Hún er lektor í listfræði við Háskóla Íslands. Hún hefur einnig kennt listfræði og listasögu við Leiklistarskóla Íslands og var um tíma forstöðumaður Listasafns Háskóla Íslands. Auður hefur sett upp myndlistarsýningar og fjallað um myndlist og listasögulegt efni í ýmsum fjölmiðlum.

 

Fyrsta skáldverk Auðar var skáldsagan Upphækkuð jörð sem kom út hjá Máli og menningu árið 1998. Önnur skáldsaga, Rigning í nóvember, kom síðan út hjá Sölku árið 2004 og sú þriðja, Afleggjarinn, hjá sama forlagi 2007. Auður Ava sendi frá sér sína fyrstu ljóðabók, Sálminn um glimmer, árið 2010.

 

Auður hefur hlotið margvíslegar viðurkenningar fyrir bækur sínar. Rigning í nóvember hlaut Bókmenntaverðlaun Tómasar Guðmundssonar 2004 og var einnig tilnefnd til Menningarverðlauna DV í bókmenntum ári síðar.  Afleggjarinn er margverðlaunuð bók, meðal annars hlaut hún Menningarverðlaun DV í bókmenntum 2008, Fjöruverðlaunin sama ár og tilnefningu til Bókmenntaverðlauna Norðurlandaráðs 2009. Skáldsagan vakti mikla athygli í Frakklandi þegar hún kom þar út í þýðingu Catherine Eyjólfsson sem Rosa Candida árið 2010, og einnig var franska þýðingin verðlaunuð í Quebec í Kanada vorið 2011.

 

 

Auður Ava Ólafsdóttir

    • 2018 Ungfrú Ísland
    • 2016 Ör
    • 2012 Undantekningin – de arte poetica
    • 2010 Sálmurinn um glimmer
    • 2007 Afleggjarinn
    • 2004 Rigning í nóvember
    • 1998 Upphækkuð jörð

     

    Auður Ava hefur einnig skrifað sviðsverk.

  • Verðlaun:

    • 2018 - Bókmenntaverðlaun Norðurlandaráðs: Ör
    • 2016 - Íslensku bókmenntaverðlaunin: Ör
    • 2011 - Prix des libraires du Québec: Rosa Candida (Afleggjarinn í franskri þýðingu Catherine Eyjólfsson). Í flokknum þýðingar (Roman hors Québec)
    • 2010 - Prix de Page (Frakkland): Rosa Candida
    • 2008 - Menningarverðlaun DV í bókmenntum: Afleggjarinn
    • 2008 - Fjöruverðlaunin, bókmenntaverðlaun kvenna: Afleggjarinn
    • 2004 - Bókmenntaverðlaun Tómasar Guðmundssonar: Rigning í nóvember



     

    Tilnefningar:

     

    • 2018 - Tilnefnd til ítölsku verðlaunanna Premio Strega: Ör
    • 2016 - Íslensku bókmenntaverðlaunin: Ör
    • 2012 - Íslensku bókmenntaverðlaunin: Undantekningin (de arte poetica)
    • 2012 - Grímuverðlaunin - Leikskáld ársins: Svartur hundur prestsins
    • 2010 - Lire Magazine (Frakkland): Rosa Candida
    • 2010 - Prix du Roman FNAC (Frakkland): Rosa Candida
    • 2010 - Prix Fémina (Frakkland): Rosa Candida
    • 2009 - Bókmenntaverðlaun Norðurlandaráðs: Afleggjarinn
    • 2005 - Menningarverðlaun DV í bókmenntum: Rigning í nóvember