Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Þorbjörg Alda Birkis Marinósdóttir (1984) er betur þekkt sem Tobba Marinós; fjölmiðlakona og rithöfundur. Að lokum grunnskóla hélt Tobba til Brasilíu sem skiptinemi og útskrifaðist síðan úr VÍ 2003. Í janúar 2009 lauk hún BA prófi í fjölmiðlafræði frá háskólanum í Derby á Bretlandi og meistaraprófi í verkefnastjórnun 2018. Hún hefur starfað sem markaðsstjóri hjá Skjá einum og ritstjóri og blaðakona hjá m.a. Morgunblaðinu, Séð og heyrt og Kvennablaðinu. Tobba gat sér gott orð sem bloggari á dv.is, var þáttastjórnandi Djúpu laugarinnar 2010 og skrifaði sama ár fyrstu skáldsögu sína, Makalaus. Bókin vakti mikla athygli og voru gerðir sjónvarpsþættir eftir henni. Makalaus varð mjög vinsæl hjá kvenkyns lesendum en þótti ekki merkilegur pappír hjá sumum bókmenntagagnrýnendum.

 

Skáldsögur Tobbu fjalla um konur í Reykjavík samtímans, um frama og fjölskyldulíf, vináttu, ást og samskipti kynjanna. Verk hennar, sem eru umdeild, teljast til chiclit, skutlubókmennta, skvísusagna og afþreyingarbókmennta í anda póstfemínisma. Skáldsögur hennar einkennast af glaðværð, kaldhæðni, orðaleikjum og samtímaslangri. Haft hefur verið eftir henni að stelpur með varalit megi megi líka lifa í karlaheiminum.

 

Heimildir

https://skemman.is/bitstream/1946/14930/2/inngangur.pdf

https://knuz.wordpress.com/2011/09/29/med-island-i-klofinu/

http://kvennabladid.is/2014/06/09/skvisubaekur/

 

Ljósmynd af Tobbu er tekin af vef Viðskiptablaðsins

 

 

Þorbjörg (Tobba) Marinósdóttir

    • 2018 Gleðilega fæðingu. Vellíðan, valkostir og verkjastilling (ásamt Aðalbirni Þorsteinssyni og Hildi Harðardóttur)
    • 2017 Náttúrulega sætt (matreiðslubók)
    • 2014 20 tilefni til dagdrykkju 
    • 2011 Lýtalaus
    • 2010 Dömusiðir
    • 2010 Makalaus