Þórunn Jarla Valdimarsdóttir

Þórunn Jarla Valdimarsdóttir er fædd 25. ágúst 1954 og er Reykvíkingur. Hún lærði sagnfræði í Lundi Svíþjóð árið 1973-1974 og sögu og myndlist við Instituto Allende í Mexíkó árið 1977-1978. Hún lauk Cand Mag-prófi í sagnfræði frá Háskóla Íslands 1983 og hefur síðan fengist við ritstörf. Eftir hana liggja tuttugu bækur – skáldsögur, ljóðabækur, ævisögur og sagnfræðirit – auk fjölda greina og þátta fyrir útvarp og sjónvarp. Barnævisöguna Sól í norðurmýri (1993) og nóvelluna Dag kvennanna (2010) skrifaði hún með Megasi.

 

Fyrsta skáldsaga Þórunnar, Höfuðskepnur, kom út árið 1994. Skáldsagan Alveg nóg var tilnefnd til Menningarverðlauna DV 1997 og Stúlka með fingur hlaut síðan Menningarverðlaun DV árið 1999 og var tilnefnd til Bókmenntaverðlauna Norðurlandaráðs 2001. Skáldsögur Þórunnar Kalt er annars blóð (2007) og Mörg eru ljónsins eyru (2010) eru glæpasögur sem gerast í samtímanum en byggja báðar á Íslendingasögum, sú fyrri á Njálu og sú seinni á Laxdælu. Þær voru báðar tilnefndar til Íslensku bókmenntaverðlaunanna í flokki fagurbókmennta, en Þórunn hefur einnig hlotið þar tilnefningar í flokki fræðibóka fyrir bækurnar Snorra á Húsafelli: saga frá 18. öld (1989), Til móts við nútímann (4. bindi Kristni á Íslandi, 2000) og Upp á sigurhæðir: saga Matthíasar Jochumssonar (2006).

 

Þórunn er búsett í Reykjavík.

Þórunn Jarla Valdimarsdóttir

  • 2018    Skúli fógeti: Faðir Reykjavíkur - saga frá átjándu öld

    2018    Villimaður í París

    2015    Stúlka með höfuð
    2013    Stúlka með maga
    2010    Dagur kvennanna. Ástarsaga (ásamt Megasi)
    2010    Mörg eru ljónsins eyru
    2010    Antennae Scratch Sky (scratch scratch)
    2008    Loftnet klóra himin
    2007    Kalt er annars blóð
    2006    Upp á sigurhæðir ævisaga Matthíasar Jochumssonar
    2002    Horfinn heimur: Árið 1900 í nærmynd
    2001    Hvíti skugginn
    2000    Engin venjuleg kona; litríkt líf Sigrúnar Jónsdóttur kirkjulistakonu
    2000    Kristni á Íslandi 4. bindi 2000 (fyrri hluti bókarinnar)
    1999    Stúlka með fingur
    1997    Alveg nóg
    1997    Leikfélag Reykjavíkur: Aldarsaga (fyrri hluti bókarinnar)
    1994    Höfuðskepnur: ástarbréfaþjónusta
    1993    Sól í Norðurmýri: píslarsaga úr Austurbæ (æskusaga Megasar)
    1992    Júlía
    1991    Fuglar
    1989    Snorri á Húsafelli: saga frá 18. öld
    1986    Sveitin við sundin: búskapur í Reykjavík 1870-1950
    1986    Af Halamiðum á Hagatorg (ævisaga Einars Jónssonar í Lækjarhvammi)

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband