Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Þórdís Gísladóttir, rithöfundur og þýðandi, er fædd 14. júlí 1965 og ólst upp í Hafnarfirði. Hún lauk BA-prófi í íslensku frá Háskóla Íslands, stundaði MA-nám í bókmenntum og lauk fil.lic-prófi í norrænum fræðum frá Uppsalaháskóla í Svíþjóð þar sem lokaverkefnið var rannsókn á tvítyngi. Auk ritstarfa hefur Þórdís starfað sem bókmenntagagnrýnandi, hún hefur kennt og flutt fyrirlestra við skóla á Íslandi og erlendis, skrifað greinar í íslensk og erlend blöð og tímarit, gert útvarpsþætti og flutt pistla á RÚV, unnið sem vefritstýra fyrir Norrænu ráherranefndina og ritstýrt tímaritinu Börn og menning.

 

Þórdís skrifar jöfnum höndum fyrir börn og fullorðna og hefur einnig samið námsefni og skrifað unglingabækur í samstarfi við Hildi Knútsdóttur. Þá hefur hún þýtt fjölda bóka og leikrit, flest úr sænsku. Fyrsta ljóðabók Þórdísar, Leyndarmál annarra, hlaut Bókmenntaverðlaun Tómasar Guðmundssonar árið 2010, eftir það hefur hún sent frá sér ljóðabækur, barna- og unglingabækur og kennslubækur og ljóð og smásögur eftir hana hafa einnig birst í safnritum. Þórdís hefur hlotið Fjöruverðlaunin, bókmenntaverðlaun kvenna, fengið þrjár tilnefningar til Íslensku bókmenntaverðlaunanna, hún hlaut tilnefningu til íslensku þýðingarverðlaunanna fyrir bókina Allt er ást eftir Kristian Lundberg og ljóðabókin Óvissustig hlaut tilnefningu til Maístjörnunnar, ljóðabókaverðlauna Rithöfundasambands Íslands og Landsbókasafns, fyrir bestu íslensku ljóðabókina sem kom út árið 2016.

 

Þórdís Gísladóttir býr í Norðurmýri í Reykjavík

Þórdís Gísladóttir

    • 2019 Mislæg gatnamót
    • 2018 Horfið ekki í ljósið
    • 2017 Doddi – Ekkert rugl!
    • 2016 Doddi – Bók sannleikans!
    • 2016 Óvissustig
    • 2015 Randalín, Mundi og afturgöngurnar
    • 2015 Tilfinningarök
    • 2014 Velúr
    • 2013 Randalín og Mundi í Leynilundi
    • 2012 Randalín og Mundi
    • 2010 Leyndarmál annarra

     

    Þýðingar

    • 2017 Velkomin til Ameríku eftir Lindu Boström Knausgård
    • 2017 Allt sem ég man ekki eftir Jonas Hassen Khemiri
    • 2016 Brot úr hjónabandi eftir Ingmar Bergman
    • 2015 Skuggadrengur eftir Carl-Johan Vallgren
    • 2014 Í leyfisleysi eftir Lenu Andersson
    • 2013 Undarlegar uppfinningar Breka og Dreka eftir Aino Havukainen og Sami Toivonen
    • 2013 Eldur eftir Mats Strandberg og Söru Bergmark Elfgren
    • 2012 Hringurinn eftir Mats Strandberg og Söru Bergmark Elfgren
    • 2012 Allt er ást eftir Kristian Lundberg
    • 2011 Hringnum lokað eftir Michael Ridpath
    • 2011 Stjarna Strindbergs eftir Jan Valletin
    • 2011 Allt á floti eftir Kajsu Ingemarsson
    • 2010 Danskennarinn snýr aftur eftir Henning Mankell
    • 2010 Sítrónur og saffran eftir Kajsu Ingemarsson
    • 2010 Breki og Dreki í leikskóla eftir Aino Havukainen og Sami Toivonen
    • 2009 Kínverjinn eftir Henning Mankell
    • 2008 Fyrir frostið eftir Henning Mankell
  • 2012 Fjöruverðlaunin: Randalín og Mundi 

    2012 Bókmenntaverðlaun starfsfólks bókaverslana: Randalín og Mundi

    2010 Bókmenntaverðlaun Tómasar Guðmundssona: Leyndarmál annarra

    2002 Verðlaun Mjólkursamsölunnar sem veitt eru á degi íslenskrar tungu fyrir lokaverkefni um íslenskt mál: Fil.lic. ritgerð skrifuð við Uppsalaháskóla

     

    Tilnefningar

    2017 Maístjarnan: Óvissustig

    2016 Íslensku bókmenntaverðlaunin: Doddi – Bók sannleikans! 

    2016 Fjöruverðlaunin: Doddi – Bók sannleikans! 

    2016 Bókmenntaverðlaun Reykjavíkurborgar: Doddi – Bók sannleikans!

    2015 Íslensku bókmenntaverðlaunin: Randalín, Mundi og afturgöngurnar 

    2015 Fjöruverðlaunin: Randalín, Mundi og afturgöngurnar

    2014 Íslensku bókmenntaverðlaunin: Velúr

    2013 Íslensku þýðingarverðlaunin: Allt er ást eftir Kristian Lundberg