Ásdís Jenna / Blær Ástríkur

Blær Ástríkur Stefán Ástuson Ástráðsson táknmálsfræðingur, sem áður hét Ásdís Jenna Ástráðsdóttir, lést að heimili sínu í Kópavogi 16. janúar 2021. Blær fæddist árið 10. janúar 1970, barn hjónanna Ástráðs B. Hreiðarssonar læknis (f. 1942) og Ástu B. Þorsteinsdóttur hjúkrunarfræðings (1945-1998). Sonur Ásdísar Jennu og Kevins Bugggle er Adam Ástráður.

 

Blær var fjölfatlaður en lauk stúdentsprófi frá Menntaskólanum við Hamrahlíð árið 1992 og var eftir það í um eitt ár við nám í lýðháskóla í Danmörku, og bjó þar í landi með foreldrum sínum fyrstu tíu árin. Blær lauk BA námi í táknmálsfræði við Háskóla Íslands. Þá las Blær á sínum tíma fötlunarfræði við HÍ. Síðustu ár var Blær svo í námi við lagadeild Háskólans á Bifröst. 

 

Blær var mikill baráttumaður fyrir réttindum fólks með fötlun, skrifaði greinar í blöð og tímarit og sinnti auk þess kveðskap, meðal annars kom út ljóðabókin Ég hugsa eins og þið (1990).

 

Í ritdómi um bókina segir m.a. „Hún hefur ekki stjórn á hreyfingum handa og fóta, en stjórnar rafmagnshjólastól og ritar á tölvu með því að styðja á takka með hökunni." Það þarf talsverðan kjark og þrautseigju til að yrkja við þær aðstæður sem Ásdís Jenna býr við, þegar hugurinn er svo langt á undan öllum hreyfingum, líkaminn virðist dragbítur á alla hugsun. Ásdís Jenna yrkir vitaskuld mikið um aðstæður sínar og hún gerir það beiskjulaust. Sorg hennar og örvænting er tær.... Einlægur tónn ljóðanna í þessari bók og ást höfundarins á íífinu og mönnunum eru atriði sem gaman væri að sjá oftar í íslenskum Ijóðum — einkum séu þau sett fram væmnilaust einsog hér. Fötlun er engin trygging fyrir því að menn læri að meta lífið. En þegar hún gerir það er ástin skilyrðislaus.“

 

 

 

 

 

Ásdís Jenna / Blær Ástríkur

    • 1990 Ég hugsa eins og þið