Ásdís Óladóttir

Ásdís Óladóttir er fædd 22. apríl árið 1967 í Hafnarfirði. Hún ólst upp í Reykjavík sín fyrstu ár en flutti síðar í Kópavog þar sem hún útskrifaðist sem stúdent árið 1987 frá MK. Árið 1989 liggur leið hennar í Iðnskólann í Hafnarfirði þar sem hún líkur námi í hönnun þremur árum síðar. Í dag stundar Ásdís nám í listfræði við Háskóla Íslands.

 

Fyrsta ljóðabók Ásdísar, Birta nætur, kom út hjá Andblæ árið 1995.  En áður höfðu birtst eftir hana ljóð í Lesbók Morgunblaðsins, tímariti Andblæs og í 60 ára afmælisriti Hressingarskálans, ljóð og laust mál. Í dag eru ljóðabækur Ásdísar sjö talsins auk ljóðasafnsins, Sunnudagsbíltúr, sem bókaútgáfan Veröld gaf út 2015.

 

Ásamt ritstörfum hefur Ásdís unnið meðal annars við fiskverkun, hönnun, safnvörslu, verslun, ræstingar, sýningarstjórn í Gallerí 78, verið í ritnefnd Andblæs og setið í dómnefnd Ljóðstafs Jóns úr Vör.

 

Ásdís býr í Reykjavík.

Ásdís Óladóttir

    • 2020 Óstöðvandi skilaboð
    • 2015 Sunnudagsbíltúr
    • 2014 Innri rödd úr annars höfði
    • 2011 Mávur ekki maður
    • 2006 Margradda nætur
    • 2004 Einn en ekki tveir
    • 2003 Teiknað í haustloftið
    • 1998 Haustmáltíð
    • 1995 Birta nætur