Álfrún Gunnlaugsdóttir

Álfrún Gunnlaugsdóttir er fædd í Reykjavík 18. mars 1938. Hún lauk stúdentsprófi frá Menntaskólanum í Reykjavík 1958 og hélt síðan í bókmenntafræði- og heimspekinám til Katalóníu á Spáni. Hún lauk Lic. en fil. y en letras-prófi frá Universidad de Barcelona árið 1965 og Dr. Phil.-prófi frá Universidad Autónoma de Barcelona árið 1970. Álfrún vann að doktorsritgerð við Háskólann í Lausanne í Sviss 1966-70.  Ritgerðin ber titilinn Tristán en el Norte og kom út hjá Stofnun Árna Magnússonar árið 1978. 

Álfrún var lektor í almennri bókmenntafræði við Háskóla Íslands 1971-77 og var hún fyrsta konan sem ráðin var í fasta stöðu hjá heimspekideild háskólans. Hún var dósent í sömu grein 1977-87 og prófessor frá 1988 til 2006 þegar hún lét af störfum. Á haustmisseri 2002 gegndi hún einnig stöðu skorarformanns við bókmennta- og málvísindaskor heimspekideildar HÍ.

 

Álfrún hefur sent frá sér átta skáldverk, fyrst smásagnasafnið Af manna völdum. Tilbrigði við stef 1982 og síðan hafa komið út eftir hana sjö skáldsögur. Álfrún hlaut bókmenntaverðlaun DV 1985 fyrir aðra bók sína, skáldsöguna Þel. Þrisvar hafa skáldsögur hennar verið tilnefndar til Bókmenntaverðlauna Norðurlandaráðs: Hringsól , Hvatt að rúnum og Yfir Ebrofljótið. Sú síðastnefnda var einnig tilnefnd til Íslensku bókmenntaverðlaunanna árið 2001 sem og skáldsagan Rán árið 2008.

 

Álfrún hefur þýtt eina skáldsögu úr spænsku  og einnig skrifað greinar í fræðirit. Verk eftir hana hafa verið þýdd á erlend tungumál.

 

Álfrún var gerð að heiðursdoktor við íslensku- og menningardeild Háskóla Íslands 1. desember 2010 og hún var heiðruð með Riddarakross hinnar íslensku Fálkaorðu fyrir framlag til íslenskra bókmennta og kennslu bókmennta á háskólastigi 1. janúar 2018. 

 

Álfrún býr á Seltjarnarnesi. 

Álfrún Gunnlaugsdóttir

    • 2016 Fórnarleikar
    • 2012 Siglingin um síkin
    • 2008 Rán
    • 2001 Yfir Ebrofljótið
    • 1993 Hvatt að rúnum
    • 1987 Hringsól
    • 1984 Þel
    • 1982 Af manna völdum

     

    Þýðing

    • 1986 Sálumessa yfir spænskum sveitamanni eftir Ramón J. Sender.

    Einnig hafa birst greinar eftir Álfrúnu í fræðiritum.

    • 1985 - Bókmenntaverðlaun DV:  Þel. 

     

    Tilnefningar:

    • 2008 - Íslensku bókmenntaverðlaunin: Rán
    • 2003 - Bókmenntaverðlaun Norðurlandaráðs: Yfir Ebrofljótið
    • 2001 - Íslensku bókmenntaverðlaunin: Yfir Ebrofljótið
    • 1995 - Bókmenntaverðlaun Norðurlandaráðs: Hvatt að rúnum
    • 1991 - Bókmenntaverðlaun Norðurlandaráðs: Hringsól

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband