Jóna Guðbjörg Torfadóttir∙20. mars 2024
GERÐUR KRISTNÝ HLÝTUR VIRT BÓKMENNTAVERÐLAUN
Í gær hlaut skáldkonan Gerður Kristný þann heiður að hljóta hin virtu, norsku bókmenntaverðlaun sem kennd eru við Alfred Anderson-Ryssts.Verðlaunin eru veitt fyrir þær margvíslegu tengingar milli Íslendinga og Norðmanna sem Gerður hefur stuðlað að með skrifum sínum.
Margar bækur Gerðar hafa komið út í Noregi og hlotið góðar viðtökur. Bókin Blóðhófnir vakti til dæmis mikla athygli og fékk góða dóma þegar hún kom út árið 2014 í Noregi, í þýðingu Knut Ödegaard.. Einnig var ljóðabókin Drápa valin á lista bestu bóka ársins hjá fréttamiðlunum Aftenposten og Klassekampen. Þá var ljóðabókin Urta nýverið seld til virts forlags að nafni Cappelen-Damm.
Skáld.is óskar Gerði innilega til hamingju með verðlaunin.
Myndin er fengin af vísi.is
