• Jóna Guðbjörg Torfadóttir

Stúlkan sem var gefin


Út er komin önnur ljóðabók Hlífar Önnu Dagfinnsdóttur sem ber titilinn Stúlkan sem var gefin. Í bókinni segir Hlíf Anna frá reysnlu sinni að vera ættleidd en það var ekki fyrr en hún var orðin 17 ára að hún fékk fæðingarvottorð sitt í hendur og komst að hinu sanna.


Löngunin um að skrifa um ættleiðinguna blundaði lengi í Hlíf Önnu en hana skorti til þess kjarkinn. Það var ekki fyrr en hún fór að sækja tíma í ritsmiðju Borgarbókasafnsins í Árbæ að hún fékk þá hvatningu sem á þurfti að halda.


Stúlkan sem var gefin geymir á fjórða tug ljóða sem eiga það sammerkt að geyma djúpstæðar og oft sárar tilfinningar. Hér á eftir fer eitt ljóðanna:




Sú eina móðir


ég horfi á móður mína

sé hvernig lífið fjarar út

hún lítur til mín brostnum augum

eins og hún hafi eitthvað að segja

augu mín fyllast tárum

við skildum aldrei hvor aðra

orð voru aldrei sögð


elsku móðir mín

hvað ég sakna þín sárt

þú varst móðirin sem ég þekkti

fann að þér þótti

vænt um mig

sagðir það aldrei


Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband