• Jóna Guðbjörg Torfadóttir

Skáldatalið stækkar


Guðríður Baldvinsdóttir hefur bæst við sístækkandi Skáldatalið en hún hefur sent frá sér eina bók og von er á annarri í haust.


Sólskin með vanillubragði kom út árið 2019 og segir svo frá henni í kynningartexta:


Sólskin með vanillubragði er saga um nútíma sveitakrakka. Lífið snýst um endalausa sumardaga, týndar hænur, óþæga heimalninga, snjalltæki og skítmokstur.

Tindra Sól er tæplega ellefu ára stelpuskotta sem býr hjá ömmu sinni í sveitinni. Besti vinur hennar er uppátækjasöm og svolítið hrekkjótt forystugimbur. Hrekkjunum fær frændi Tindru að kynnast þegar hann kemur í sumardvöl, en saman lenda þau þrjú í ýmsum skondnum ævintýrum.

Einn skugga ber þó á, Tindra á að flytja til mömmu sinnar í Svíþjóð um haustið!