• Steinunn Inga Óttarsdóttir

Sigríður sextug


Sigríður Albertsdóttir, bókmenntagagnrýnandi, kennari og fræðikona, er sextug í dag.


Sigríður sat um tíma í ritstjórn skáld.is. Hún á að baki langan feril sem bókmenntagagnrýnandi og hefur skrifað hundruð greina og ritdóma í blöð og tímarit síðustu þrjá áratugi. Hún hefur fjallað um ótal verk skáldkvenna af innsæi og fagmennsku.


Hún skrifaði m.a. tímamótagrein um töfraraunsæi á Íslandi og vandaða grein um fantasíu og karnival í verkum Svövu Jakobsdóttur. Þá hefur hún verið með í smíðum doktorsritgerð um skáldskap Sigurðar Pálssonar sem hún grípur í þegar hún á lausa stund.


Skáld.is óskar Sigríði innilega til hamingju með daginn!