• Soffía Auður Birgisdóttir

Perlur úr ljóðum íslenskra kvenna


Bók þessa nýársdags er Perlur úr ljóðum íslenskra kvenna sem Silja Aðalsteins-dóttir tók saman og kom út árið 1998 og aftur 1999 og er reglulega endurprentuð. Í bókinni er að finna ljóð eftir 45 íslenskar konur sem fæddar eru á tímabilinu 1804 til 1971. Ljóð bókarinnar gefa því gott þversnið af ljóðum kvenna í tæpar tvær aldir.


Silja skrifar afar fínan formála að bókinni þar sem hún gerir grein fyrir þeirri aðferð sem hún notaði við val ljóðanna. Í stað þess að raða ljóðunum upp í tímaröð velur hún þann skemmtileg kost að raða þeim eftir efni og hún skrifar: "Þetta gefur lesanda tækifæri til að bera saman aðferð skálda í fortíð og nútíð við að kljást við svipuð viðfangsefni".


Hugmynd Silju varð "að láta ljóðin mynda eins konar lífssögu: Byrja á ljóðum um það að vera barn, sem síðan yxi upp, yrði unglingsstúlka, kona ..." Þetta gefur ljóðasafninu skemmtilega og heildstæða mynd.


Eins og tekið var fram hér í upphafi eru Perlur úr ljóðum íslenskra kvenna endurprentaðar aftur og aftur og því ljóst að bókin er vinsæl. Það væri þó tilvalið að efna í nýtt ljóðaúrval kvenna með nýjum ljóðum og nýjum skáldum, og svo sannarlega er úr nægu efni að velja. Í því sambandi má minna á að á nýliðnu ári komu um 50 nýjar ljóðabækur eftir konur út. Ljóðið er sprelllifandi.

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband