• Jóna Guðbjörg Torfadóttir

Ljóðamála á almannafæri


Ljóðamála á almannafæri er ljóðamyndbandahátíð sem hófst þann 15. júní á N4. Þar er ljóðskáldum og kvikmyndagerðarmönnum stefnt saman til að búa til ljóðahátíð fyrir sjónvarp og net.

Slíkt stefnumót átti upphaflega að verða lítill hluti af stærri ljóðahátíð á Norðurlandi síðasta haust – en nokkrar covid-bylgjur komu í veg fyrir þá hátíð og því var ákveðið að breyta algjörlega um kúrs og leggja frekar alvöru metnað í myndvinnsluna, frekar en að bíða bara eftir að geta lesið upp fyrir framan fólk.

Niðurstaðan varð sjö þátta sería með 14 ljóðskáldum og 7 leikstjórum sem sýnd verður á N4 í sumar, auk þess sem efnið mun einnig birtast á smygl.is í bland við alls kyns viðbótarefni.

Sýningar hófust síðastliðinn 15. júní.

Ljóðskáldin sem koma fram eru eftirfarandi:

Akureyrarskáldin Sesselía Ólafs, Arnar Már Arngrímsson, Eyþór Gylfason, Vilhjálmur B. Bragason og Ásgeir H Ingólfsson, að sunnan koma svo þau Bergþóra Snæbjörnsdóttir, María Ramos, Soffía Bjarnadóttir, Þórdís Helgadóttir, Ásta Fanney Sigurðardóttir og Loki.


Fulltrúar umheimsins eru svo hin tékkneska Tereza Riedlbauchová, Jonas Gren frá Svíþjóð og Vestur-Íslendingurinn Darrell Jónsson frá Bandaríkjunum. Ilona Gottwaldova, Eiríkur Örn Norðdahl og Ásgeir H Ingólfsson sjá um að þýða ljóð þeirra og munu þau öll birtast á skjánum líka, enda löngu tímabært að gera þýðendur aðeins sýnilegri.

Kvikmyndagerðarmennirnir sem færa okkur ljóðskáldin heim í stofu eru Kári Liljendal, Magnea Björk Valdimarsdóttir, Atli Sigurjónsson, Haukur Valdimar Pálsson, Hallur Örn Árnason, Gunnlaugur Starri Gylfason og Darrell Jónsson. Darrell sá líka um upptöku í stúdíói í MeetFactory, þar sem Arnheiður Eiríksdóttir og Ásgeir H Ingólfsson kynna dagskrána. Ásgeir hefur einnig yfirumsjón með þáttaröðinni en framleiðendur eru Menningarsmygl og Urban Space Epics. Carl Warwick samdi stef þáttanna út frá broti úr Völuspá.

Styrktaraðilar eru Miðstöð íslenskra bókmennta, Akureyrarbær og Landsbankinn. Nánari upplýsingar um þættina gefur Ásgeir í síma 690 1827 eða í gegnum netfangið asgeirhi@gmail.com.


Hér má horfa á kynningarstiklu um þættina:



Mynd hér að ofan er af Arnheiði Eiríksdóttur og Ásgeiri H Ingólfssyni kynna ljóðadagskrána á skjánum. Með þeim á myndinni er austur-þýska njósnasjónvarpið RFT. Myndina tók Darrell Jónsson.