• Jóna Guðbjörg Torfadóttir

Ljóð jóladags er Jólatré



Það er við hæfi að birta jólaljóð á jóladegi. Kristín Ómarsdóttir sendi frá sér ljóðabókina Jólaljóð árið 2006 sem er endurprentuð í Ljóðasafni hennar sem kom út fyrr á árinu. Eitt ljóðanna er bæði jólalegt að efni og formi, það er svona:



Jólatré


Á

jólatrénu

hanga glerkúlur,

brothættar tyggjó-

kúlur og englar fljúga í

kringum tréð hring eftir hring.

En þeir sofna um leið og við lokum

augunum. Nóg að blikka auga og þeir

dotta, fá sér stuttan lúr. Kertaljósin loga glatt.

Undir trénu hvíla inniskór, greiða, munnharpa.

spegill, varalitur, leikfangahestur, hálsmen,

hanskar, brúða sem geymir bleiu, snuð og náttkjólinn

sinn í poka. Hún fær að sofa við vanga stúlkunnar

í

nótt.





Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband