• Guðrún Steinþórsdóttir

Hver fléttar grasið, eldinn og vatnið?


Ljóð vikunnar er eftir Guðrúnu Hannesdóttur og nefnist „spurn“. Guðrún hefur sent frá sér átta ljóðabækur en „spurn“ birtist í bókinni Skin sem kom út árið 2016.



spurn


hver fléttar grasið sem vaxið hefur draumum okkar yfir höfuð


hver fléttar eldinn vatnið í læknum sandinn á ströndinni sjóndeildarhringana

er það vindurinn fingralipri eða lævísa ljósið?


í djúpum dal tímans virðist allt deginum ljósara


allar spurningar löngu fallnar í glóandi stafi