• Jóna Guðbjörg Torfadóttir

Helmingi dekkri en nóttin



Á eftir, kl. 13, verður fyrri hluti þáttarins Helmingi dekkri en nóttin, á Rás 1. Þátturinn fjallar um áður óbirt sendibréf skáldkonunnar Ástu Sigurðardóttur sem hún skrifaði systur sinni Oddnýju á árunum 1951-1953. Sendibréfin veita innsýn í líf Ástu á þeim árum sem hún gefur út sínar fyrstu smásögur en þær vöktu mikla athygli og hneykslaði margan.


Vera Sölvadóttir fjallar um skáld- og listakonuna Ástu Sigurðardóttur en hún komst yfir þessi bréf þar sem Oddný Sigurðardóttir er tengdamamma hennar. Í þáttunum verður lesið úr bréfum Ástu og auk þess talar Vera við tvö elstu núlifandi börn Ástu, Þóri Jökul og Dagnýju Þorsteinsbörn.


Í fyrri þættinum verður einblínt á tímabilið þegar bréfin voru skrifuð en í seinni þættinum verður horft til áranna eftir að Ásta kynntist skáldinu Þorsteini frá Hamri. Seinni þátturinn verður á dagskrá sunnudaginn 3. janúar.



Myndin er sótt á vefsíðuna ruv.is.






Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband