• Jóna Guðbjörg Torfadóttir

Höfundaspjall: Ewa Marcinek & Helen Cova



Næstkomandi miðvikudag verður boðið upp á höfundaspjall á hádegisviðburðinum Menning á miðvikudögum í Bókasafni Kópavogs.


Rithöfundarnir Helen Cova og Ewa Marcinek deila brotum úr verkum sínum og ræða stöðu rithöfunda á Íslandi sem hafa ekki íslensku að móðurmáli.


Í viðburðinum á Facebook segir svo frá höfundunum:


Helen Cova er fædd í Venesúela en hefur verið búsett á Íslandi í sex ár. Fyrir síðustu jól sendi hún frá sér örsagnasafnið Sjálfsát: að éta sjálfan sig, þar sem saman fléttast íslenskur heimskautavetur og suðuramerískt töfraraunsæi. Bókin kom út hvort tveggja á íslensku og ensku en myndir við hverja sögu gerði Rubén Chumillas. Helen er nú með aðra bók í smíðum sem er hugsuð fyrir börn og unglinga. https://www.helencova.com/

Ewa Marcinek er fædd í Póllandi og hefur verið búsett á Íslandi frá 2013. Hún nam skapandi skrif og menningarfræði við Háskólann í Wroclaw og síðar myndlist við Myndlistarskólann í Reykjavík. Ewa stofnaði, ásamt Pálínu Jónsdóttur leikstjóra, leikfélagið Reykjavík Ensemble. Sýningin Ísland pólerað (Polishing Iceland), sem sett var upp í Tjarnarbíói 2020 og vakti mikla athygli, byggði á samnefndu og sjálfsævisögulegu smásagnasafni Ewu um reynsluna af því að vera pólskur innflytjandi á Íslandi og þær áskoranir sem henni fylgja. Ewa er hugvekjuhöfundur Tímarits Máls og menningar 2021. www.ewamarcinek.com

Viðburðurinn stendur frá 12:15 til 13 og fer fram á ensku. Aðgangur er ókeypis en skráning er nauðsynleg því að sætaframboð er takmarkað. Grímuskylda er á staðnum.


Hér má nálgast viðburðinn á Facebook.


Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband