• Soffía Auður Birgisdóttir

Gjörningur Eyrúnar Óskar



Flestir listamenn viðurkenna að náttúran er þeim óendaleg uppspretta innblásturs þegar kemur að listsköpun. Rithöfundar og skáld hafa skrifað og ort um eldgos og hamfarir um aldir.


En ætli margir hafi lesið úr verkum sínum fyrir náttúruna sjálfa?


Ljóðskáldið Eyrún Ósk Jónsdóttir brá sér í Geldingadali í Fagradalsfjalli og las úr ljóðabók sinni Mamma, má ég segja þér fyrir eldgos og hraunbreiðu. Eyrún hefur bakgrunn í leiklist og segja má að þessi skemmtilegi gjörningur hennar sé í senn leiklist og skáldskapur um leið og hann er óður til náttúrunnar.





Eyrún Ósk hefur þegar birt 3 upplestra fyrir eldgos og hraun á youtube og þá má sjá hér.