• Steinunn Inga Óttarsdóttir

Gata mæðranna


Kristín Marja Baldursdóttir sendir nú frá sér nýja og spennandi skáldsögu. Gata mæðranna gerist á sjöunda áratugnum og hlutverk kynjanna eru skýr. Heima í götunni ráða konurnar ríkjum, þar er þeirra veröld, með börnum og þvottum, glápi og skvaldri – en líka leyndarmálum og ósögðum orðum, ástleysi og ást.


Kristín Marja er þekkt fyrir magnaðar og grípandi skáldsögur sínar þar sem margt býr undir yfirborðinu. Með hárbeittum húmor og djúpu innsæi skapar hún ógleymanlegar persónur og áhrifaríkar örlaga­sögur sem heilla lesendur heima og erlendis.


„Hún kyssti hann þótt hún væri ekki í neinu skapi fyrir kossaflens þá stundina en hann var vel upplagður og gerði kossinn að einum þeim lengsta í sögunni. Þegar hún losaði sig úr faðmi hans sagði hann og gat ekki stillt sig: það fór þó aldrei svo að þú fengir ekki herbergi í götunni...“


Í kynningu á bókinni á vef Forlagsins segir:


Á kvöldin situr Marín innan við glerið í miðasölunni, teiknar og lætur hugann reika. Hún er á leið út í lífið eftir stúdentspróf, óviss um hvað bíður hennar og hvers hún óskar sér. Leit hennar að leiguherbergi leiðir hana hús úr húsi, frá einni konu til annarrar. Allar eiga þær sögur og drauma, en í kring sveima karlar með sínar hugmyndir og ráðagerðir.


Hér er hægt að hlusta á fyrsta kaflann:


https://soundcloud.com/forlagid/gata-maeranna-kristin-marja-baldursdottir

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband