• Steinunn Inga Óttarsdóttir

Handrit fornt á bálið?


„Ofan í læstri hvelfingu í Reykjavík eru varðveitt skinnhandrit sem voru skrifuð á Íslandi fyrir mörg hundruð árum. Þessar bækur, sem geyma fornar sögur, kvæði, galdra, lög og fróðleik, eru ráðgáta. Enginn veit hver skrifaði þær eða hvenær, hver átti þær og hvað hefur glatast úr þeim. Eitt þessara handrita er Möðruvallabók sem stígur hér fram og segir sögu sína. Með henni mátti kaupa bæði líf og mannorð, hún lenti í svaðilförum á landi og sjó, varð fyrir slysum og skemmdarverkum og slapp oft naumlega frá því að lenda á báli tímans...“ segir í kynningu Forlagsins á þessari bók.

Bál tímans er eftir Arndísi Þórarinsdóttur og kemur út þegar hálf öld er liðin síðan fyrstu miðaldahandritunum var skilað til Íslands eftir aldalanga dvöl í Danmörku. Arndís hefur verið ötul við skáldskapariðkun á sínum stutta en glæsta ferli en þetta er ellefta bók hennar á 10 árum.


Við hátíðlega athöfn í dag lögðu Lilja Dögg Alfreðsdótti og Guðni Th. Jóhannesson hornstein að kringlóttu Húsi íslenskunnar á Melunum í Reykjavík.


Ýmsir atburðir eru á dagskrá 21. apríl, m.a. í skólum landsins, í tilefni þess að á þessum síðasta degi vetrar er liðin rétt hálf öld frá því fyrstu íslensku handritin voru endurheimt frá Dönum.