• Jóna Guðbjörg Torfadóttir

Enn bætist við Skáldatalið


Sveinbjörg Sveinbjörnsdóttir hefur bæst við Skáldatalið en hún sendi frá sér sitt fyrsta verk, heimildaskáldsöguna Aldrei nema kona, á síðasta ári.


Aldrei nema kona er vandað verk sem fjallar um þrjá ættliði kvenna í Skagafirði, líkt og kemur fram í kynningu á bókinni:


Aldrei nema kona er heimildaskáldsaga sem fylgir þremur ættliðum kvenna í Skagafirði á átjándu og nítjándu öld. Þetta eru fátækar konur og lífsbaráttan er hörð en með þrautseigju og æðruleysi tekst þeim að komast af þrátt fyrir hart árferði og harðneskjulegt samfélag.

Höfundur rekur hún æviferil langmæðgna sinna og byggir þar á heimildum úr kirkjubókum, manntölum, æviskrám, dómabókum og ýmsum heimildum öðrum. Sögutíminn spannar meira en hundrað ár, frá miðri átjándu öld fram yfir miðja hina nítjándu.